दक्षिण आफ्रिकेच्या क्रिकेट बोर्डाने आपल्या घरच्या मैदानावर भारताविरुद्ध खेळवल्या जाणाऱ्या मालिकेचं वेळापत्रक जाहीर केलं आहे. तीन कसोटी, सहा वन-डे आणि तीन टी-२० असा भारताचा दक्षिण आफ्रिका दौऱ्यातला भरगच्च कार्यक्रम असणार आहे. ५ जानेवारीपासून भारताच्या दक्षिण आफ्रिका दौऱ्याला सुरुवात होणार आहे. याआधी भारताने श्रीलंकेत आपला पहिला परदेश दौरा केला होता. मात्र श्रीलंकेच्या संघाकडून भारताला एकदाही प्रतिकार न झाल्याने ही मालिका भारताने एकतर्फी जिंकली होती. त्यामुळे दक्षिण आफ्रिकेचा दौरा हा भारतासाठी खडतर मानला जातोय. असा असेल भारताचा दक्षिण आफ्रिका दौऱ्याचा कार्यक्रम - कसोटी सामने - डिसेंबर ३०-३१ - दोन दिवसांचा सराव सामना ५ ते ९ जानेवारी - पहिली कसोटी, केप टाऊन १३ ते १७ जानेवारी - दुसरी कसोटी, सेंच्युरियन २४ ते २८ जानेवारी - तिसरी कसोटी, जोहान्सबर्ग वन-डे सामने - १ फेब्रुवारी - पहिला वन-डे सामना, किंग्समेड ४ फेब्रुवारी - दुसरा वन-डे सामना, सेंच्युरियन ७ फेब्रुवारी - तिसरा वन-डे सामना, केप टाऊन (दिवस-रात्र) १० फेब्रुवारी - चौथा वन-डे सामना, जोहान्सबर्ग (दिवस-रात्र) १३ फेब्रुवारी - पाचवा वन-डे सामना, सेंट जॉर्ज पार्क - पोर्ट एलिजाबेथ (दिवस-रात्र) १६ फेब्रुवारी - सहावा वन-डे सामना, सेंच्युरियन (दिवस-रात्र) टी-२० सामने - १८ फेब्रुवारी - पहिला टी-२० सामना, जोहान्सबर्ग २१ फेब्रुवारी - दुसरा टी-२० सामना, सेंच्युरियन (दिवस-रात्र) २४ फेब्रुवारी - तिसरा टी-२० सामना, केप टाऊन (दिवस-रात्र)
