06 August 2020

News Flash

आफ्रिकन क्रिकेट बोर्डाने केलेल्या चाचणीत सहा जण करोना पॉझिटिव्ह

खेळाडू, प्रशिक्षक व सहाय्यक कर्मचारी वर्गाची झाली चाचणी

पुरुषांच्या खांद्याला खांदा लावत प्रत्येक बाबतीत पुढे असलेल्या महिलांनी क्रिकेटचं विश्वही पादाक्रांत केलं आहे. आज आपण आंतरराष्ट्रीय क्रिकेटमधील ५ सुंदर महिला क्रिकेटपटूंबद्दल जाणून घेणार आहोत.

दक्षिण आफ्रिकेचा माजी कर्णधार आणि स्टार खेळाडू एबी डीव्हिलियर्स याच्यासह ५० जणांची नुकतीच करोना चाचणी करण्यात आली. या चाचणीत सहा जणांचा अहवाल पॉझिटिव्ह आल्याची माहिती दक्षिण आफ्रिका क्रिकेट बोर्डाने दिला आहे. शनिवारी टी3 सॉलिडॅरीटी कप स्पर्धा खेळवण्यात येणार आहे. निधी जमवण्यासाठी हा सामना खेळण्यात येणार असून यास Solidarity Cup असे नाव देण्यात आले आहे. या सामन्यातून जमा झालेला निधी करोना व्हायरसमुळे अडचणीत सापडलेल्यांना मदत म्हणून दिला जाणार आहे. ही स्पर्धा शनिवारी, १८ जुलैला (नेल्सन मंडेला जागतिक दिवस) खेळण्यात येणार असल्याने खबरदारीचा उपाय म्हणून स्पर्धेशी संबंधित ५० जणांच्या करोना चाचण्या करण्यात आल्या होत्या. त्यात सहा जण करोना पॉझिटिव्ह असल्याचे निष्पन्न झाले आहे.

“करोना चाचणी करण्यात आलेल्या ५० जणांमध्ये तीन संघांचे मिळून २४ खेळाडू, संघांचे प्रशिक्षक आणि इतर सहाय्यक कर्मचारी वर्ग यांचा समावेश होता. यापैकी सहा जणांचा अहवाल पॉझिटिव्ह आला असून त्यात खेळाडूचा समावेश नाही. १० ते १३ जुलैदरम्यान या चाचण्या करण्यात आल्या होत्या. पॉझिटिव्ह असलेल्यांना उपचार घेण्यासाठी माघारी धाडण्यात आले आहे. तर इतर खेळाडू आणि इतर कर्मचारी वर्गाची काळजी 3T क्रिकेट स्पर्धेचे व्यवस्थापन सरकारच्या आरोग्य विभागाने आखून दिलेल्या मार्गदर्शक सूचनांनुसार घेत आहे”, अशी माहिती दक्षिण आफ्रिका क्रिकेट बोर्डाने दिली.

3T क्रिकेट स्पर्धेत स्पर्धेत आठ-आठ खेळाडूंचे तीन संघ एकाच सामन्यात एकमेकांविरुद्ध खेळणार आहेत. एबी डीव्हिलियर्स, कगीसो रबाडा आणि क्विंटन डी कॉक हे तीन संघाचे कर्णधार असणार आहेत. त्यांच्यासह फाफ डु प्लेसिस, एडन मार्क्रम यांसारखे बडे खेळाडूही खेळणार आहेत. त्यामुळे या साऱ्यांची करोना चाचणी घेण्यात आली होती. सुदैवाने या चाचण्यांच्या रिपोर्टमध्ये कोणात्याही खेळाडूचा करोना अहवाल पॉझिटीव्ह आला नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 16, 2020 9:25 am

Web Title: cricket south africa reports six covid 19 positive tests before 3t match none of them are cricketers vjb 91
Next Stories
1 इंग्लंडचा भारत दौरा करोनामुळे स्थगित?
2 आघाडीसाठी विंडीज सज्ज
3 भारतीय हॉकी संघासाठी सातत्य राखणे आव्हानात्मक- अशोक कुमार 
Just Now!
X