द.आफ्रिका क्रिकेटच्या अधिकृत फेसबुक पेजला हॅकर्सने लक्ष्य केले आहे. 'क्रिकेट साऊथ आफ्रिका' हे फेसबुक पेज हॅकर्सने हॅक केले असून, त्यावर अश्लील छायाचित्रे आणि व्हिडिओ शेअर करण्यात आले आहेत. द.आफ्रिकेच्या फेसबुक पेजचे ३३ लाखांहून अधिक फॉलोअर्स आहेत. दररोज या पेजवरून द.आफ्रिका क्रिकेट संघाशी संबंधित विविध बातम्या आणि माहिती शेअर करण्यात येतात. मात्र, अचानक या फेसबुक पेजवर पोर्नोग्राफीची संबंधित मजकूर पोस्ट करण्यात आल्याने चाहते आश्चर्यचकीत झाले. आपले फेसबुक पेज हॅक झाल्याची माहिती मिळाल्यावर क्रिकेट साऊथ आफ्रिकेने याबाबत माफी देखील मागितली आहे. त्यानंतर काही वेळाने फेसबुक पेजवरील सर्व अश्लील मजकूर काढून टाकण्यात आला आणि अकाऊंट पूर्ववत करण्यात आले. Evening everyone, we are aware that our Facebook page has been hacked & are working on resolving the issue. — Cricket South Africa (@OfficialCSA) December 8, 2015 Our apologies for the inappropriate posts that are currently up, we will have this issue sorted out as soon as possible. — Cricket South Africa (@OfficialCSA) December 8, 2015