विश्वचषक स्पर्धेत धावांचा रतिब घालणाऱ्या भारतीय संघाची अफगाणिस्तानविरुद्ध सामन्यात चांगलीच पंचाईत झाली. अफगाणि फिरकीपटूंच्या जाळ्यात अडकलेला भारतीय संघ २२४ धावांपर्यंतच मजल मारु शकला. मोहम्मद नाबी, राशिद खान, मुजीब उर रेहमान या गोलंदाजांनी भारतीय फलंदाजांना आपल्या जाळ्यात अडकवलं. विराट कोहली आणि केदार जाधवचा अपवाद वगळता एकही फलंदाज खेळपट्टीवर तग धरुन मोठी खेळी करु शकला नाही. या सामन्यानंतर सोशल मीडियावर भारतीय चाहत्यांनी धोनीला चांगलच ट्रोल केलं आहे.

धोनीने ५२ चेंडू खर्ची घालत केवळ २८ धावा केल्या. त्याच्या या खेळीत केवळ ३ चौकारांचा समावेश होता. ज्यावेळी भारताला धावसंख्या वाढवण्याची गरज होती, त्यादरम्यान धोनी आपल्या लौकिकाला साजेशी खेळी करु शकला नाही. यानंतर सोशल मीडियावर भारतीय चाहत्यांनी धोनीला चांगलेच उपरोधिक सल्ले दिले आहेत.