News Flash

Ind vs Pak : कोणालाही जमलं नाही ते रोहितने करुन दाखवलं, जाणून घ्या…

विश्वचषक स्पर्धेतलं रोहितचं दुसरं शतक

Ind vs Pak : कोणालाही जमलं नाही ते रोहितने करुन दाखवलं, जाणून घ्या…

भारतीय संघाचा सलामीवीर रोहित शर्माने २०१९ विश्वचषक स्पर्धेत आपला धडाकेबाज फॉर्म कायम ठेवला आहे. दक्षिण आफ्रिकेविरुद्ध सलामीच्या सामन्यात शतकी खेळी करणाऱ्या रोहित शर्माने पाकिस्तानविरुद्ध सामन्यातही शतकी खेळीची नोंद केली. मँचेस्टरच्या मैदानात रोहितने ८५ चेंडूत शतक झळकावलं. या विश्वचषक स्पर्धेतलं रोहित शर्माचं हे दुसरं शतक ठरलं आहे.

या शतकी खेळीसह रोहित शर्माने कोणत्याही भारतीय खेळाडूला न जमलेली कामगिरी करुन दाखवली आहे. वन-डे क्रिकेटमध्ये पाकिस्तानविरुद्ध सामन्यात सलग शतक झळकावणारा रोहित पहिला भारतीय खेळाडू ठरला आहे. याआधी २०१८ साली रोहित पाकिस्तानविरुद्ध अखेरचा सामना खेळला होता. या सामन्यात रोहितने नाबाद १११ धावांची खेळी केली होती.

दरम्यान १४० धावांची खेळी करुन रोहित शर्मा हसन अलीच्या गोलंदाजीवर माघारी परतला. रोहितने ११३ चेंडूत १४० धावांची खेळी केली. त्याच्या या खेळीत १४ चौकार आणि ३ षटकारांचा समावेश होता.

अवश्य वाचा – Ind vs Pak : रोहित शर्मा चमकला, सर्वात जलद शतक झळकावणाऱ्या फलंदाजांच्या यादीत स्थान

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 16, 2019 5:52 pm

Web Title: cricket world cup 2019 rohit sharma becomes first indian to score consecutive centuries against pakistan in odi psd 91
टॅग : Ind Vs Pak,Rohit Sharma
Next Stories
1 Ind vs Pak : रोहित शर्मा चमकला, सर्वात जलद शतक झळकावणाऱ्या फलंदाजांच्या यादीत स्थान
2 IND vs PAK Video : रोहितच्या ‘त्या’ षटकाराने जागवल्या सचिनच्या आठवणी
3 IND vs PAK : पुण्यात १९६१ च्या फियाट कारची तिरंगी रॅली
Just Now!
X