२०१९ विश्वचषक स्पर्धेत भारतीय संघाने आतापर्यंत चांगली कामगिरी केली आहे. पावसामुळे रद्द झालेल्या न्यूझीलंडविरुद्ध सामन्याचा अपवाद वगळता सर्व सामन्यांमध्ये भारतीय संघाने विजय मिळवला आहे. अफगाणिस्तानविरुद्ध सामन्यातही भारताने अटीतटीच्या लढतीत बाजी मारली. सध्या गुणतालिकेत भारतीय संघ ९ गुणांसह तिसऱ्या स्थानावर आहे. भारताचा आगामी सामना विंडीजविरुद्ध मँचेस्टरच्या मैदानावर रंगणार आहे. या सामन्यासाठी टीम इंडिया मँचेस्टरला रवाना झाली आहे. या प्रवासादरम्यान कर्णधार विराट कोहलीने मराठमोळा खेळाडू केदार जाधवसोबतचा फोटो शेअर केला आहे. Towards manchester again. Gloomy day but made bright by mr jadhavs smile . @royalnavghan @kedarjadhavofficial pic.twitter.com/E7awSyz5tb— Virat Kohli (@imVkohli) June 23, 2019 वातावरण ढगाळ असलं तरीही केदार जाधवच्या हास्यामुळे दिवसाची सुरुवात प्रसन्न झाली, अशा आशयाचा संदेश विराटने आपल्या सोशल मीडिया अकाऊंटवर टाकला आहे. अफगाणिस्तानविरुद्ध सामन्यात केदार जाधवने अर्धशतकी खेळी करत संघाच्या विजयात मोलाचा वाटा उचलला होता.