News Flash

क्रिकेटविश्वातून अजून एक दु:खद बातमी, फिरकीपटू पीयूष चावलाच्या वडिलांचे निधन

१२ दिवसांपासून देत होते करोनाशी झुंज

पीयूष चावला

भारतात सध्या करोनाच्या दुसऱ्या लाटेने थैमान घातले आहे. काल राजस्थान रॉयल्सचा वेगवान गोलंदाज चेतन साकारियाच्या वडिलांचे करोनामुळे निधन झाले. आता क्रिकेटविश्वातून अजून एक दु:खद बातमी समोर आली आहे. फिरकीपटू आणि यंदाच्या आयपीएलमधील मुंबई इंडियन्स संघाचा सदस्य असलेल्या पीयूष चावलाच्या वडिलांचे करोनामुळे निधन झाले आहे.

 

काही दिवसांपूर्वी पीयूष चावलाचे वडील प्रमोद कुमार चावला करोना पॉझिटिव्ह आढळले होते. त्यांना दिल्लीतील मॅक्स हॉस्पिटलमध्ये दाखल करण्यात आले होते. मात्र, त्यांची मृत्यूशी झुंज आज संपली. पीयूषने एका इन्स्टाग्राम पोस्टच्या माध्यमातून आपल्या वडिलांच्या निधनाची बातमी दिली.

 

प्रमोद कुमार चावला हे १२ दिवसांपासून करोनाशी झुंज देत होते. रविवारी प्रकृती बिघडल्याने त्यांना दिल्लीच्या रुग्णालयात दाखल करण्यापूर्वी मुरादाबादच्या खासगी कोविड रुग्णालयात नेण्यात आले होते. प्रमोदकुमार चावला मुरादाबादमधील विद्युत विभागातून निवृत्त झाले होते.

पीयूष चावलाची कारकीर्द

१९ वर्षांखालील विश्वचषक स्पर्धेतून पीयूषने नाव कमावले. २००६मध्ये त्याने आंतरराष्ट्रीय क्रिकेटमध्ये पदार्पण केले. भारताकडून त्याने ३ कसोटी २५ वनडे आणि ७ टी-२० सामने खेळले आहेत. मागील वर्षी चेन्नई सुपर किंग्जकडून आयपीएल खेळल्यानंतर तो या वर्षी मुंबई संघात सामील झाला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 10, 2021 1:12 pm

Web Title: cricketer piyush chawlas father passes away adn 96
Next Stories
1 IPLमध्ये भाग घेतलेले विंडीजचे खेळाडू सुखरूप घरी पोहोचले
2 “माझ्याशी लग्न करशील?”, राजस्थान रॉयल्सच्या राहुल तेवतियाने सर्वांसमोर केले प्रपोज!
3 मॅच फिक्सिंगमध्ये अडकलेल्या भावासाठी पाकिस्तानी क्रिकेटपटू करणार मदत!
Just Now!
X