माजी क्रिकेटपटू सलील अंकोलाची पत्नी परिणिती अंकोला हिने पुण्यातील राहत्या घरात गळफास लावून आत्महत्या केली. मी माझ्या जीवनाला कंटाळून आत्महत्या करते आहे. असे परिणितीने मृत्युपूर्वी लिहून ठेवले आहे. पण सलीलसोबत असलेल्या वादामुळे तिचे मानसिकदृष्ट्या खच्चीकरण झाले आणि तिने आत्महत्या केल्याचा आरोप परिणितीच्या आई-वडिलांनी केला आहे. सलील अंकोलाची पत्नी परिणिती गेल्या काही वर्षांपासून पुण्यातील सालसबरी पार्क येथील सीता सोसायटीत आपल्या आई-वडिलांसोबत राहत होती. आई-वडिल घरी नसतानां परिणितीने पंख्याला ओढणीच्या सहाय्याने लटकून आत्महत्या केली.
