वर्ल्ड चॅंपियन मीराबाई चानू हिने ऑस्ट्रेलियातील गोल्ड कोस्ट येथे सुरु असणाऱ्या राष्ट्रकुल स्पर्धांमध्ये सुवर्ण कामगिरी करत देशाला आनंद साजरा करण्याची एक सुवर्णसंधी दिली आहे. ४८ किलो वजनी गटातील वेटलिफ्टींग प्रकारात आपली छाप पाडत मिळालेल्या सर्व संधीचं मीराबाईने खऱ्या अर्थाने सोनं केलं आणि भारतीय गटात सुवर्णपदकाची भर दिली. राष्ट्रकुल स्पर्धांमध्ये मिळालेल्या यशाबद्दल सोशल मीडियावरही मीराबाईच्याच नावाचा हॅशटॅग ट्रेंडमध्ये आल्याचं पाहायला मिळालं. क्रिकेटवेड्टा आपल्या देशात प्रत्येक खेळाचा तितकच महत्त्वं दिलं जातं याचा प्रत्ययही यावेळी आला. बॉक्सिंगमध्ये उल्लेखनीय कामगिरी करणारी मेरी कोम, क्रिकेटर सुरेश रैना यांच्यासोबतच अभिनेते अमिताभ बच्चन आणि केंद्रातील मंत्र्यांनीही तिला शुभेच्छा दिल्याचं पाहायला मिळालं. मीराबाई तुझं खूप खूप अभिनंदन. आज आम्हाला तुझा अभिमान वाटतोय, असं ट्विट करत बिग बींनी तिचं कौतुक केलं. तर ही फक्त सुरुवात आहे, असं म्हणत सुरेश रैनाने आणखी पदकांची आशा करत असल्याचं ट्विटच्या माध्यमातून म्हटलं. congratulations .. and so proud of you Mirabi Chanu .. you have made us all proud Indians — Amitabh Bachchan (@SrBachchan) April 5, 2018 Woke up to the news of winning its first medal at #GC2018 ! Excellent work by #Gururaja. Congratulations, #MirabaiChanu for giving India it's first gold medal in #GC2018. I am sure this is just the beginning for many more to come. My best wishes to everyone participating. pic.twitter.com/Ac0XWlI4GZ — Suresh Raina (@ImRaina) April 5, 2018 Inspirational Mirabai Chanu Gold is coming She broke 3 record in 6 Min 1st lift-80kg broke Games Record 2nd lift-84kg broke her GR n equalled the Commonwealth Record (CR). 3rd lift-86kg-New CR in Snatch #CG2018 #PrideOfIndia pic.twitter.com/pZPJP2cP2E — Maj Surendra Poonia (@MajorPoonia) April 5, 2018 खासदारकीच्या शेवटच्या काळात सचिनचा ‘स्ट्रेट ड्राइव्ह’, ही बातमी वाचून तुम्हालाही सचिनचा अभिमानच वाटेल चार वर्षांपूर्वी ग्लास्गोत पार पडलेल्या स्पर्धांमध्ये मीराबाईने रौप्यपदकाची कमाई केली होती. मात्र गोल्ड कोस्टमध्ये झालेल्या खेळांमध्ये तिने गतवर्षीच्या कामगिरीत कमालीची सुधारणा करत सुवर्णपदकावर आपलं नाव कोरलं. पहिल्या तीनही संधींमध्ये मीराबाईने ८०, ८४ आणि ८६ किलोचं वजन उचलत आपली प्रबळ दावेदारी सिद्ध केली. यानंतरच्या प्रयत्नांमध्ये मीराबाईने ४ किलो वजन वाढवत आपल्या प्रतिस्पर्ध्यांना मागे सोडत पदकावर आपलं नाव कोरलं.