आतापर्यंत क्रिकेटमध्ये खेळाडूंनी अनेकदा माघार घेतल्याच्या बातम्या आपण वाचल्या असतील. कित्येकदा दुखापतीमुळे तर कधी वैय्यक्तिक कारणांमुळे खेळाडू सामन्यातून माघार घेतात. मात्र ऑस्ट्रेलियातील स्थानिक क्रिकेट सामन्यात Western Australia संघाचा खेळाडू डार्सी शॉर्टला सामन्यातून माघार घ्यावी लागली आहे, घरातल्या कुत्र्याने चावा घेतल्यामुळे शाॉर्टला सामन्यातून माघार घ्यावी लागली आहे. घरात शॉर्ट आपल्या कुत्र्याशी खेळत असताना हा अपघात घडल्याचं समजतं आहे. यावेळी कुत्र्याने शॉर्टच्या तळहाताला चावा घेतल्याचं समजतंय, त्यामुळे शॉर्ट सध्या काही दिवसांसाठी क्रिकेट खेळू शकणार नसल्याचं डॉक्टरांनी स्पष्ट केलं आहे. शॉर्टसोबत मार्कस स्टॉयनिस आणि मॅट केली हे खेळाडूही सामना खेळू शकणान नसल्यामुळे Western Australia संघाच्या अडचणींमध्ये भर पडली आहे. त्यामुळे प्रत्यक्ष सामन्यात Western Australia संघ कसा खेळ करतो हे पाहणं महत्वाचं ठरणार आहे.
