15 July 2020

News Flash

…नाहीतर तुम्हीही या समस्येचा भाग आहात, वर्णद्वेषाविरोधात डॅरेन सॅमीचं परखड मत

ICC आणि क्रिकेट बोर्डाला आवाज उठवण्याचं केलं आवाहन

जॉर्ज फ्लॉयड या कृष्णवर्णीय व्यक्तीला अमेरिकेत पोलिस कस्टडीमध्ये प्राण गमवावे लागले. जॉर्जच्या मानेवर पाय ठेवून बसलेल्या पोलीस अधिकाऱ्याचा फोटो सोशल मीडियावर चांगलाच व्हायरल झाला. या प्रकारानंतर अमेरिकेत सध्या चांगलंच संतापाचं वातावरण आहे. जॉर्जला न्याय मिळावा यासाठी अनेक कृष्णवर्णीय नागरिक रस्त्यावर उतरले आहेत. जागतिक पातळीवर या घटनेचा निषेध होत असताना आता क्रिकेटपटूंनीही वर्णद्वेषाविरोधात आपलं मत मांडण्यास सुरुवात केली आहे. वेस्ट इंडिजचा माजी कर्णधार डॅरेन सॅमीने क्रिकेटविश्वाला अशा घटनांवर व्यक्त होण्याची विनंती केली आहे.

सध्याच्या घडीला जर क्रिकेट विश्वाने याविरोधात आवाज उठवला नाहीत, तर तुम्हीही या समस्येचा भाग बनला आहात असं वाटेल. या आशयाचा संदेश सॅमीने आपल्या ट्विटर अकाऊंटवर लिहीला आहे.

माझ्यासारख्या अनेक कृष्णवर्णीय खेळाडूंसोबत काय अन्याय होतो हे आयसीसी आणि क्रिकेट बोर्डाला दिसत नाही का?? अशा घटनांविरोधात आयसीसीने आवाज उठवायला हवा असंही परखड मत सॅमीने मांडलं आहे.

क्रिकेटच्या मैदानावरही याआधी अनेकदा वर्णद्वेषाच्या घटना घडल्या आहेत. इंग्लंडचा नवोदीत अष्टपैलू खेळाडू जोफ्रा आर्चरला न्यूझीलंडविरुद्ध कसोटी सामन्यात वर्णद्वेषी टिपण्णी ऐकावी लागली होती. आर्चरने सोशल मीडियावर याचा खुलासा केला होता. जॉर्जच्या मृत्यूनंतर अमेरिकेत हजारो नागरिक रस्त्यावर उतरले असून राष्ट्राध्यक्ष डोनाल्ड ट्रम्प यांनी प्रदर्शन करणाऱ्या नागरिकांविरोधात सैन्यदल रस्त्यावर उतरवण्याचा इशारा दिला आहे. जॉर्ज फ्लॉयड याच्या मृत्यूप्रकरणात ट्रम्प यांनी घेतलेल्या भूमिकेवरही अमेरिकेत संताप व्यक्त होतो आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 2, 2020 3:13 pm

Web Title: darren sammy asks cricket fraternity to speak against racism or else you are part of the problem psd 91
Next Stories
1 भारत-ऑस्ट्रेलिया दिवस-रात्र कसोटीवर स्मिथ म्हणतो…
2 क्रिकेटमध्येही होतो वर्णद्वेष, ख्रिस गेलचा धक्कादायक आरोप
3 “धोनीची तयारी बघण्यासाठी तरी क्रिकेट लवकर सुरू होऊदे”
Just Now!
X