आयपीएलचा तेरावा हंगाम संपल्यानंतर भारताचा माजी कर्णधार एम. एस. धोनी रांचीमध्ये आहे. पण दुबईतील त्याचा एक व्हिडीओ सध्या सोशल मीडियावर धुमाकूळ घालतो. चेन्नई सुपरकिंग्ज संघानं हा व्हिडीओ आपल्या अधिकृत ट्विटरवर पोस्ट केला आहे. कॅप्टन कूल धोनीचा या व्हिडीओमधील अंदाज नेटकऱ्यांना आवडला आहे. चेन्नईनं पोस्ट केलेला हा व्हिडीओ एका पार्टीमधील असल्याचं दिसतेय. या व्हिडीओमध्ये धोनी लेक झिवा आणि पत्नी साक्षीसोबत थिरकताना दिसत आहे. याआधी धोनी डान्स करताना कधीच दिसला नव्हता. धोनीचा हा हटके अंदाजावर चाहते फिदा झाले आहे. Instagram वर ही पोस्ट पहा Chennai Super Kings (@chennaiipl) ने सामायिक केलेली पोस्ट चेन्नई संघानं व्हिडीओ पोस्ट करताना आकर्षक असं कॅप्शनही दिलं आहे. "तुम्ही हा व्हिडीओ पाहताना चेहऱ्यावरचं हास्य थांबवू शकता का? अजिबात नाही." असं भन्नाट कॅप्शन या व्हिडीओला चेन्नईनं दिलं आहे.