News Flash

संजय मांजरेकर पुन्हा कॉमेंट्री पॅनलमध्ये पुनरागमन करण्याच्या तयारीत

भारत विरुद्ध ऑस्ट्रेलिया मालिकेत करणार समालोचन

भारताचे माजी खेळाडू संजय मांजरेकर यांनी यंदाच्या हंगामात दमदार कामगिरी करणाऱ्या सर्वोत्तम ११ खेळाडूंची निवड केली. विशेष म्हणजे यात रोहित शर्मा, विराट कोहली, हार्दिक पांड्या या तीन बड्या नावांचा समावेश करण्यात आलेला नाही. पाहा नक्की कसा आहे संघ...

मार्च महिन्यात दक्षिण आफ्रिकेच्या भारत दौऱ्यापासून कॉमेंट्री पॅनलमधून आपलं स्थान गमावून बसलेल्या संजय मांजरेकरांना आयपीएलमध्येही बीसीसीआयने संधी दिली नाही. आपल्या स्पष्टवक्त्या स्वभावामुळे चर्चेत असलेल्या मांजरेकरांवर बीसीसीआयमधील काही अधिकारी हे नाराज होते. परंतू भारताच्या आगामी ऑस्ट्रेलिया दौऱ्यापासून संजय मांजरेकर कॉमेंट्री पॅनलमध्ये पुनरागमन करणार असल्याचं समजतंय. मुंबई मिरनने यासंदर्भातलं वृत्त दिलं आहे.

२७ नोव्हेंबरपासून भारतीय संघाच्या ऑस्ट्रेलिया दौऱ्याला सुरुवात होणार आहे. या दौऱ्यात दोन्ही संघ ३ वन-डे, ३ टी-२० आणि ४ कसोटी सामने खेळणार आहेत. संजय मांजरेकर यांच्यासोबतच सुनिल गावसकर, हर्षा भोगले ही मंडळीही कॉमेंट्री बॉक्समध्ये दिसणार आहेत. तर विरेंद्र सेहवाग हा हिंदी कॉमेंट्रीत दिसणार आहे. भारत विरुद्ध ऑस्ट्रेलिया सामन्यांच्या प्रक्षेपणाचे हक्क हे सध्या क्रिकेट ऑस्ट्रेलिया बोर्डाकडे आहेत. त्यामुळे कॉमेंट्री पॅनल ठरवताना बीसीसीआय त्यात आपली बाजू मांडू शकत नाही. याच कारणामुळे मांजरेकर यांना कॉमेंट्री पॅनलमध्ये संधी दिली आहे. नवीन वर्षात इंग्लंडचा संघ भारत दौऱ्यावर येणार आहे. यावेळी बीसीसीआय संजय मांजरेकर यांना पुन्हा एकदा कॉमेंट्री पॅनलच्या बाहेर ठेवू शकतो.

बीसीसीआयच्या कॉमेंट्री पॅनलमध्ये असताना भारतीय खेळाडूंवर केलेली टीका, हर्षा भोगले यांच्यासोबत रंगलेला वाद या सर्व गोष्टींमुळे बीसीसीआयमधील अधिकारी मांजरेकरांवर नाराज होते. आयपीएलचा तेरावा हंगाम सुरु होण्याआधी संजय मांजरेकर यांनी बीसीसीआयला इ-मेल करत आपल्याला कॉमेंट्री पॅनलमध्ये संधी देण्याची मागणी केली होती. परंतू बीसीसीआयने त्यांच्या या मागणीचा विचार केला नव्हता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 7, 2020 3:59 pm

Web Title: dropped from ipl sanjay manjrekar set to return in commentary box for india australia series psd 91
Next Stories
1 IPL 2020 : … तर RCB च्या कर्णधारपदावरून विराटला हटवलं असतं; गंभीरचा निशाणा
2 दौऱ्यांच्या कालावधीचा विचार व्हावा!
3 सुपरनोव्हाजला विजय अनिवार्य
Just Now!
X