28 September 2020

News Flash

तब्बल २४ वर्षांनी पाकिस्तानी सलामीवीराने इंग्लंडमध्ये केला विक्रम, शान मसूदची शतकी खेळी

इंग्लंडविरुद्ध पहिल्या कसोटीत पाकिस्तानची ३२६ धावांपर्यंत मजल

घरच्या मैदानावर वेस्ट इंडिजला कसोटी मालिकेत पराभवाची चव चाखायला लावणाऱ्या इंग्लंडला पहिल्या कसोटीत पाकिस्तानने कडवी झुंज दिली आहे. मँचेस्टरच्या मैदानावर खेळवण्यात येणाऱ्या पहिल्या कसोटी सामन्यात पाकिस्तानने सलामीवीर शान मसूदच्या धडाकेबाज दीड शतकी खेळीच्या जोरावर पहिल्या डावात ३२६ धावांपर्यंत मजल मारली. मसूदला पहिल्या डावात बाबर आझम आणि शादाब खान यांनी चांगली साथ दिली.

शान मसूदने इंग्लंडच्या गोलंदाजांचा समर्थपणे सामना करत एक बाजू लावून धरली. ३१९ चेंडूंचा सामना करताना शानने १८ चौकार आणि २ षटकारांच्या सहाय्याने १५६ धावा केल्या. या शतकी खेळाच्या जोरावर शान मसूदने अनोखा विक्रम आपल्या नावे केला आहे. तब्बल २४ वर्षांनी इंग्लंडमध्ये कसोटी सामन्यात शतक झळकावणारा मसूद पहिला पाकिस्तानी सलामीवीर फलंदाज ठरला आहे. १९९६ साली सईद अन्वरने सलामीला येताना १७६ धावांची खेळी केली होती.

बाबर आझमनेही ६९ तर शादाब खानने ४५ धावा करत मसूदला चांगली साथ दिली. इंग्लंडकडून पहिल्या डावात स्टुअर्ट ब्रॉड आणि जोफ्रा आर्चर यांनी प्रत्येकी ३-३, ख्रिस वोक्सने २ तर अँडरसन आणि बेस यांनी १-१ बळी घेतला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 6, 2020 9:47 pm

Web Title: eng vs pak 1st test manchester pakistan opener shan masood slams a century creates record after 24 years psd 91
Next Stories
1 IND vs AUS : कसोटी मालिकेत क्रिकेट ऑस्ट्रेलिया करणार ‘हा’ बदल?
2 VIVO चा करार स्थगित, IPL स्पॉन्सरशिपसाठी तीन कंपन्यात चुरस??
3 VIDEO : स्विंग अन् क्लीन बोल्ड! चेंडू न समजल्याने फलंदाजही झाला अवाक
Just Now!
X