सलामीवीर डोम सिबले आणि मधल्या फळीत अष्टपैलू बेन स्टोक्सने झळकावलेल्या शतकांच्या जोरावर यजमान इंग्लंडने दुसऱ्या कसोटी सामन्यावर आपलं वर्चस्व निर्माण केलं आहे. ९ बाद ४६९ वर आपला पहिला डाव घोषित केल्यानंतर, इंग्लंडने दुसऱ्या दिवसाअखेरीस विंडीजची अवस्था १ बाद ३२ अशी केली. स्टोक्स आणि सिबले यांनी विंडीजच्या गोलंदाजांचा समाचार घेत चौफेर फटकेबाजी केली. सिबलेने १२० तर स्टोक्सने १७६ धावा केल्या. स्टोक्सच्या खेळात १७ चौकार आणि २ षटकारांचा समावेश होता. या शतकी खेळीसह बेन स्टोक्सने दिग्गज खेळाडूंच्या पंगतीत आपलं स्थान पक्क केलं आहे. कसोटीत ४ हजार धावा, १० शतकं आणि १५० बळी अशी तिहेरी कामगिरी करणाऱ्या अष्टपैलू खेळाडूंच्या यादीत आता स्टोक्सला स्थान मिळालं आहे. Ben Stokes joins an elite club!4000 runs + 10 centuries + 150 wickets (Tests)Garry Sobers 8032+26+235 (93)Ian Botham 5200+14+383 (102)Jacques Kallis 13289+45+292 (166)Ben Stokes 4248+10+153 (65*)#EngvWI #EngvsWI— Mohandas Menon (@mohanstatsman) July 17, 2020 स्टोक्स आणि सिबलेची जोडी फोडण्यासाठी विंडीजच्या गोलंदाजांना प्रयत्नांची पराकाष्टा करावी लागली. अखेरीस रोस्टन चेसने केमार रोचकरवी सिबलेला झेलबाद करत विंडीजला यश मिळवून दिलं.