इंडियन सुपर लीग फुटबॉल स्पध्रेमुळे भारतात फुटबॉलची ओढी अधिक निर्माण झाली आहे. येत्या काही वर्षांत फुटबॉलची लोकप्रियता क्रिकेटलाही टक्कर देईल, असे मत भारताचा माजी क्रिकेटपटू सचिन तेंडुलकर याने व्यक्त केले. तसेच त्याने २०१७मध्ये होणाऱ्या १७ वर्षांखालील फुटबॉल विश्वचषक स्पध्रेसाठी भारतीय क्रीडाप्रेमी आतुर असल्याचेही सांगितले. तो म्हणाला, ‘‘फुटबॉल विश्वचषक स्पध्रेची भारतीय आतुरतेने वाट पाहत आहेत. ही भव्य स्पर्धा होईल. भारतासाठी ही चांगली बाब आहे, कारण आयएसएलची प्रत्येक जण प्रशंसा करत आहेत. त्यात फिफाचे भारतातील आगमन ही मोठी बाब आहे.’’
