ब्राझिलचा माजी फुटबॉलपटू फर्नाडोचे हॅलिकॉप्टरच्या अपघातात निधन झाले, तो ३६ वर्षांचा होता. चार मित्रांसह फर्नाडो हेलिकॉप्टरमधून जात असताना अरुआना येथे त्यांचा अपघात झाला. अपघातस्थळावरून हॉस्पिटलमध्ये नेताना त्याचा मृत्यू झाला. फर्नाडो हा ब्राझिलचा आघाडीपटू होता. इंटरनॅशिओनल या ब्राझिलमधील क्लबचे कर्णधारपद भूषवताना त्याने २००६ साली फिफा क्लब विश्वचषकाचे जेतेपद पटकावले होते. क्लबकडून खेळताना त्याने १०० सामन्यांमध्ये ४२ गोल केले होते.
