गौतम गंभीर याच्यानंतर आणखी एका माजी क्रिकेटपटूनं भाजपामध्ये प्रवेश केला आहे. भारतीय संघाचा माजी फिरकी गोलंदाज लक्ष्मण शिवरामाकृष्णन (Laxman Shivramakrishnan) यांनी भाजपात प्रवेश केला आहे. पुढील वर्षी होणाऱ्या तामिळनाडू विधनासभामध्ये निवडणूक लढवणार आहेत.

तामिळनाडूमध्ये भाजपा पक्ष आधिक मजबूत करण्यासाठी शिवरामाकृष्णन पक्षाला मजबूत करण्याचं काम करणार आहेत. भाजपाचे राष्ट्रीय सचिव सीटी रवी आणि तामीळनाडू भाजपा अध्यक्ष एल मुरुगन यांच्या उपस्थितीमध्ये शिवरामाकृष्णन यांनी चेन्नईत भाजपामध्ये प्रवेश केला.

लक्ष्मण शिवरामाकृष्ण यांनी १७ व्या वर्षी वेस्ट इंडिजविरुद्ध कसोटीत पदार्पण केलं होतं. शिवरामाकृष्ण यांनी भारतीय संघाकडून नऊ कसोटी सामने, २६ एकदिवसीय सामने खेळले आहेत. शिवरामाकृष्णन यांची आंतरराष्ट्रीय कारकीर्द फक्त चार वर्षच होती. प्रथम श्रेणी क्रिकेटमध्ये शिवरामाकृष्ण यांनी ७६ सामने खेळले आहेत. यामध्ये त्यांनी १५४ विकेट घेतल्या. क्रिकेटमधून निवृत्त झाल्यानंतर शिवरामाकृष्णन यांनी समालोचन म्हणून काम केलं आहे.