28 November 2020

News Flash

माजी रणजीपटू रघुनाथ चांदोरकर यांचा आज शतकमहोत्सव

वयाची शंभरी साजरी करणारे तिसरे रणजीपटू

(संग्रहित छायाचित्र)

 

महाराष्ट्र आणि मुंबईचे माजी रणजीपटू रघुनाथ रामचंद्र चांदोरकर हे शनिवारी वयाची १०० वर्षे पूर्ण करणार आहेत. प्राध्यापक दिनकर बलवंत देवधर (पुणे) आणि वसंत रायजी (मुंबई) यांच्यानंतर चांदोरकर (डोंबिवली) हे वयाची शंभरी गाठणारे तिसरे रणजीपटू ठरले आहेत.

मधल्या फळीतील फलंदाज आणि लेगस्पिन गोलंदाजी करणाऱ्या चांदोरकर यांनी १९४३-४४ ते १९४६-४७ या कालावधीत पाच रणजी सामन्यांमध्ये महाराष्ट्र संघाचे प्रतिनिधित्व केले होते. त्यानंतर १९५०-५१च्या मोसमात ते मुंबईकडून दोन रणजी सामने खेळले. त्यानंतर चांदोरकर सध्या डोंबिवलीत राहत असून गेली सहा वर्षे ते आजारपणामुळे अंथरुणाला खिळून आहेत.

देवधर यांच्या नेतृत्वाखाली चांदोरकर हे पुण्यातील एसपी महाविद्यालय आणि पीवायसी जिमखान्याकडूनही खेळले होते.

१९४६ साली लिंडसे हासेटच्या नेतृत्वाखाली आलेल्या ऑस्ट्रेलिया संघाविरुद्ध चांदोरकर यांनी वेस्टर्न मराठा संघाचे प्रतिनिधित्व केले होते. ठाणे-डोंबिवली क्रिकेट संघासोबत ते वयाच्या ७३व्या वर्षी केनियाच्या दौऱ्यावर गेले होते. ‘‘१९७०च्या दशकात चांदोरकर हे प्रशिक्षणासाठी प्रसिद्ध होते. ठाणे, कल्याण, डोंबिवली आणि अंबरनाथ या पट्टय़ांत त्यांच्या नावाचा दबदबा होता,’’ असे डोंबिवली क्रिकेट क्लबचे सचिव मुरलीधर मराठे यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 21, 2020 12:07 am

Web Title: former ranji trophy player raghunath chandorkar centenary today abn 97
Next Stories
1 धक्कादायक ! इंग्लंडविरुद्ध मालिकेआधी दक्षिण आफ्रिकेचे दोन खेळाडू करोना पॉझिटीव्ह
2 ऑस्ट्रेलिया दौऱ्यावर गेलेल्या मोहम्मद सिराजवर दुःखाचा डोंगर, वडिलांचं निधन
3 विराटच्या अनुपस्थितीचा ऑस्ट्रेलियन वाहिनीला आर्थिक फटका बसण्याची चिन्ह
Just Now!
X