चेन्नई : अर्जुन पुरस्कार विजेते माजी भारतीय टेबल टेनिसपटू व्ही. चंद्रशेखर यांचे बुधवारी करोनामुळे येथील खासगी रुग्णालयात निधन झाले. ते ६४ वर्षांचे होते. त्यांच्या पश्चात पत्नी आणि मुलगा असा परिवार आहे. ‘चंद्रा’ या टोपणनावाने ओळखल्या जाणाऱ्या चंद्रशेखर यांनी तीन वेळा राष्ट्रीय विजेतेपद पटकावले आहे. तामिझागा टेबल टेनिस संघटनेचे ते अध्यक्ष आणि संचालक होते. याचप्रमाणे ‘एसडीएटी’-मेडिमिक्स टेबल टेनिस अकादमीचे ते मुख्य प्रशिक्षक होते. चंद्रशेखर यांनी १९८२च्या राष्ट्रकुल क्रीडा स्पर्धेत उपांत्य फेरीपर्यंत मजल मारली होती.
