‘व्रुम.. व्रुम..’च्या निनादणाऱ्या आवाजाची सलामी येत्या रविवारी ऑस्ट्रेलियातल्या मेलबर्नमध्ये अनुभवायला मिळणार आहे. निमित्त आहे वर्षांतल्या पहिल्यावहिल्या फॉम्र्युला वन शर्यतीचे. गेल्या वर्षी जेतेपद पटकावणारा ल्युइस हॅमिल्टन या पहिल्या शर्यतासाठी जेतेपदाचा प्रबळ दावेदार आहे. मात्र त्यासाठी त्याला निको रोसबर्गचे कडवे आव्हान आहे. मर्सिडिज संघाच्या या सहकाऱ्यांमध्ये रंगणारा मुकाबला मेलार्न शर्यतीचे विशेष आकर्षण आहे.या दोघांव्यतिरिक्त सेबॅस्टिअन वेटलने रेड बुलला रामराम करून फेरारी संघात प्रवेश केला आह़े त्यामुळे हॅमिल्टन व रोसबर्ग यांना टक्कर देण्यासाठी तो तयार आहे. फेलिप मास्सा आणि वॉल्टेरी बोटास हे विलियम्स संघासाठी सातत्यपूर्ण कामगिरी करण्यासाठी तयार आहेत़ हंगामातील पहिल्या शर्यतीत जेतेपद पटकावून हॅमिल्टन विश्वविजेतेपदाचा प्रबळ दावेदार म्हणून सर्वासमोर येण्यासाठी पुन्हा सज्ज आह़े तो म्हणतो, ‘‘माझा आवडता शर्यतपटू आयर्टन यांनी कारकिर्दीत जे साध्य केले, ते मला मिळवायचे आह़े २००८मध्ये ही शर्यत जिंकलो होतो़ त्यानंतर या शर्यतीचे जेतेपद पटकावता आलेले नाही. यंदा ही कसर भरून काढीन.’’ मर्सिडिजचे वर्चस्वऑस्ट्रेलियन ग्रां प्रि स्पध्रेच्या पहिल्या सराव सत्रात मर्सिडिज संघाने वर्चस्व गाजविल़े मेलबर्न अल्बर्ट पार्क सर्किटवर पार पडलेल्या सराव सत्रात निको रोसबर्गने (१:२७:६९ सेकंद) दिवसातील जलद वेळ नोंदविली, तर ल्युइल हॅमिल्टनने दहा सेकंदानंतर लॅप्स पूर्ण केल्या़नियमात बदल*पॉवर युनिट्स : २०१४मध्ये शर्यतपटूला पाच वेळा पॉवर युनिट्स बदलण्याची संधी होती, परंतु यंदा त्यांना चार वेळाच युनिट्स बदलता येणार आह़े संपूर्ण युनिट्स बदलल्यावर चालकाला बसणारा दंड आता त्या युनिट्सच्या घटक बदलावर अवलंबून असेल़ *१० सेकंदांचा दंड : शर्यतीदरम्यान किरकोळ उल्लंघन केल्यास २०१४च्या सत्रात असलेला ५ सेकंदांचा दंड आता १० सेकंदांचा करण्यात आलेला आह़े *गाडीचे वजन : यंदाच्या सत्रात इंधनाशिवाय गाडीचे वजन ७०२ किलो असणे आवश्यक आहे.तरीही अलोन्सोची बाजारात तेजीफॉम्र्युला-वन शर्यतीचा शेवटचा हंगाम ल्युइस हॅमिल्टन याने गाजवला असला तरी बाजारात मागणी असणाऱ्या चालकांमध्ये तो चौथ्या क्रमांकावर आह़े या यादीत फर्नाडो अलोन्सोने बाजी मारली आह़े ‘रेप्युकॉम’च्या सव्रेक्षणानुसार अलोन्सो अव्वल स्थानावर असून त्यापाठोपाठ फेलिपे मास्सा, सिबॅस्टियन वेटल हे येतात़संकलन : स्वदेश घाणेकरवर्षांचे वेळापत्रकऑस्ट्रेलियन ग्रां. प्रि़ - अल्बर्ट पार्क, १५मार्चमलेशियन ग्रां. प्रि़ - सेपांग, २९ मार्चचायनीज ग्रां. प्रि़ - शांघाय, १२ एप्रिलबहरिन ग्रां. प्रि़ - सखिर, १९ एप्रिलस्पॅनिश ग्रां. प्रि़ - बार्सिलोना़, १० मेमोनॅको ग्रां. प्रि़ - मोंटे कार्लो, २४ मेकॅनेडियन ग्रां. प्रि़ - मॉन्ट्रिअल, ७ जूनऑस्ट्रियन ग्रां. प्रि़ - स्पायलबर्ग, २१ जूनब्रिटिश ग्रां. प्रि़ - सिल्व्हरस्टोन, ५ जुलैजर्मन ग्रां. प्रि़ - नुरबरग्रीन, १८ जुलैहंगेरियन ग्रां. प्रि़ - हंगेरोरिंग, २६ जुलैबेल्जियम ग्रां. प्रि़ - स्पा - फ्रांसोरचॅम्प, २३ ऑगस्टइटालियन ग्रां. प्रि़ - मोंझा, ६ सप्टेंबरसिंगापूर ग्रां. प्रि़ - मरिना बे, २० सप्टेंबरजापनीज ग्रां. प्रि़ - सुझुका, २७ सप्टेंबररशियन ग्रां. प्रि़ - सोची, ११ ऑक्टोबरयूएस ग्रां. प्रि़ - ऑस्टीन, २५ ऑक्टोबरमॅक्सिकन ग्रां. प्रि़ - मॅक्सिको सिटी, १ नोव्हेंबरब्राझिलियन ग्रां. प्रि़ - इंटरलॅगोस, १५ नोव्हेंबरअबुधाबी ग्रां. प्रि़ - यस मारिना, २९ नोव्हेंबर