चेंगडू (चायना) : भारताच्या जी. साथियानने क्रमवारीत उच्च स्थानांवर असलेल्या प्रतिस्पर्ध्याना नामोहरम करीत आंतरराष्ट्रीय टेबल टेनिस महासंघाच्या पुरुषांच्या विश्वचषक स्पर्धेची उपउपांत्यपूर्व फेरी गाठली आहे. जागतिक क्रमवारीत ३०व्या स्थानावर असलेल्या साथियानने फ्रान्सच्या सिमॉन गॉझीचा ४-३ (११-१३, ९-११, ११-८, १४-१२, ७-११, ११-५, ११-८) असा पराभव केला. मग दुसऱ्या लढती त्याने जागतिक क्रमवारीत २४व्या स्थानावरील डेन्मार्कच्या ग्रोथ जोनाथनला ४-२ (११-३, १२-१०, ७-११, १६-१४, ८-११, ११-८) असे पराभूत केले. साथियानने ड-गटाच्या गुणतालिकेत ४ गुणांसह अग्रस्थान मिळवले. उपउपांत्यपूर्व फेरीचे सामने शनिवारी खेळवण्यात येणार आहेत.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on November 30, 2019 2:26 am
