भारतीय संघाने ऑस्ट्रेलियामध्ये ऐतिहासिक कसोटी मालिका विजय मिळवला. १-१ अशा बरोबरीत असलेल्या कसोटी मालिकेत चौथा सामना भारताने जिंकला आणि यजमानांचा अबाधित गड सर केला. त्या सामन्यात अनेक खेळाडूंनी महत्त्वाची भूमिका बजावली. पण संपूर्ण मालिकेत भारतासाठी अभेद्य भिंत बनून उभा राहिला तो चेतेश्वर पुजारा. त्याने चौथ्या डावात ऑस्ट्रेलियन गोलंदाजांचा मारा शरीरावर झेलत २००हून अधिक चेंडू खेळले. त्याच्या चिवट खेळीपुढे ऑस्ट्रेलियन गोलंदाजाचा माराही फिका पडला. शरीराच्या विविध अवयवांवर चेंडूचा मारा सहन करत त्याने धडाकेबाज खेळी केली. त्याचं हे रूप पाहून BCCIने त्याला खास पदवी बहाल केली. चेतेश्वर पुजाराचा आज वाढदिवस. आज पुजाराने ३४व्या वर्षात पदार्पण केले. यानिमित्त BCCIने पुजाराला एक पदवी बहाल करत त्याचा सन्मान केला. "हा खेळाडू शरीरावर वेगवान चेंडूंचा मारा सहन करतो, तरीदेखील खेळपट्टीवर खंबीरपणे तळ ठोकून उभा राहतो. हा खरा धाडसी खेळाडू आहे. ८१ कसोटी सामने, ६ हजार १११ धावा, १३ हजार ५७२ चेंडू आणि १८ शतकं ठोकणाऱ्या भारतीय संघाचा 'आधारस्तंभ' (Mr. Dependable) चेतेश्वर पुजारा याला वाढदिवसाच्या शुभेच्छा!", असं ट्विट BCCIने केलं. He takes body blows Grinds it out in the middle Braves it all & stands tall 81 Tests 6111 runs 13572 balls faced 18 hundreds Here's wishing #TeamIndia's Mr. Dependable @cheteshwar1 a very happy birthday Let's relive one of his fine tons against Sri Lanka — BCCI (@BCCI) January 25, 2021 इतर सहकाऱ्यांनीही दिल्या शुभेच्छा- Happy birthday pujji @cheteshwar1. Wish you good health, happiness and more hours at the crease. Have a great year ahead. — Virat Kohli (@imVkohli) January 25, 2021 Wishing you the best on your birthday and everything good in the year ahead. @cheteshwar1 pic.twitter.com/iAj4qL6196 — Wriddhiman Saha (@Wriddhipops) January 25, 2021 Wishing Mr Dependable @cheteshwar1 a very happy birthday. Your hardwork and dedication has been great to witness. To many more fantastic innings. Cheers. pic.twitter.com/dzGmRmbAv7 — K L Rahul (@klrahul11) January 25, 2021 Happy birthday, @cheteshwar1 81 Tests 6111 runs 46 fifty-plus scores He has three Test double hundreds to his name, including a high score of 206* One of the grittiest batters in the game! pic.twitter.com/mGYnkpn0Lq — ICC (@ICC) January 25, 2021 चौथ्या कसोटीच्या चौथ्या डावात ऑस्ट्रेलियन गोलंदाजांनी चेतेश्वर पुजारावर अनेक प्रहार करण्याचे प्रयत्न केले. पण कांगारुंच्या शरीरभेदी माऱ्याला पुजारा पुरून उरला. मिचेल स्टार्क, जोश हेजलवूड, पॅट कमिन्स आणि कॅमरॉन ग्रीन या ऑस्ट्रेलियाच्या चार वेगवान गोलंदाजांनी सातत्याने पुजाराच्या शरीराच्या जवळपास मारा केला. चेंडूला मिळणारी उसळी पाहता अनेक चेंडू पुजाराने अंगावर खाल्ले. स्वत:ची विकेट वाचवताना कधी खांद्याजवळ, कधी हाताच्या बोटावर तर कधी हेल्मेटवर चेंडू आदळला. पण एखाद्या भिंतीप्रमाणे अभेद्य असा तो यजमान संघापुढे उभा राहिला.