News Flash

हार्दिक भारतीय संघात पुनरागमनासाठी सज्ज, न्यूझीलंड दौऱ्यात मिळणार संधी?

महिन्याअखेरीस भारतीय संघ न्यूझीलंड दौऱ्यावर

भारतीय संघाचा अष्टपैलू खेळाडू हार्दिक पांड्या गेले काही महिने आपल्या पाठीच्या दुखापतीमुळे आंतरराष्ट्रीय क्रिकेटपासून दुरावला आहे. २०१९ साली घरच्या मैदानावर दक्षिण आफ्रिकेविरुद्ध खेळलेला टी-२० सामना हा त्याचा अखेरचा आंतरराष्ट्रीय सामना होता. यानंतर हार्दिकच्या पाठीच्या दुखण्यावर लंडनमध्ये शस्त्रक्रीया करण्यात आली. मात्र आता तो या दुखापतीमधून सावरला असून, भारतीय संघाच्या आगामी न्यूझीलंड दौऱ्यात तो संघात पुनरागमन करण्याची शक्यता आहे.

घरच्या मैदानावर श्रीलंका आणि ऑस्ट्रेलियाविरुद्ध मालिका खेळल्यानंतर भारतीय संघ न्यूझीलंड दौऱ्यावर रवाना होईल. या दौऱ्यात भारतीय संघ ५ टी-२०, ३ वन-डे आणि २ कसोटी सामने खेळेल. यातील मर्यादीत षटकांच्या मालिकेत पांड्या संघात पुनरागमन करेल असं वृत्त मुंबई मिरर या वृत्तपत्राने दिलं आहे.

हार्दिक पांड्याच्या अनुपस्थितीत मुंबईच्या शिवम दुबेने भारतीय संघात स्थान मिळवलं आहे. ऑस्ट्रेलियाविरुद्ध वन-डे सामन्यांच्या मालिकेतही हार्दिकची निवड झालेली नाहीये. त्यामुळे ऑस्ट्रेलियाविरुद्धची मालिका ही शिवम दुबेला स्वतःची संघातली निवड सार्थ ठरवून दाखवण्याची संधी असणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 7, 2020 1:27 pm

Web Title: hardik pandya likely to make a comeback in limited overs series against new zealand psd 91
टॅग : Hardik Pandya
Next Stories
1 गंभीर-इरफान यांच्यात ‘या’ मुद्द्यावरून मतभेद
2 “भारतात भारताविरूद्ध खेळणं सगळ्यात अवघड”; ऑस्ट्रेलियन फलंदाजाची कबुली
3 चहलच्या घरी लवकरच वाजणार सनई-चौघडे?
Just Now!
X