News Flash

IND vs AUS : ती विराटची सेलिब्रेशन करण्याची स्टाईल, जस्टीन लँगरने चुकीचा अर्थ घेतला ! – व्ही. व्ही. एस. लक्ष्मण

देशासाठी खेळताना प्रत्येकाच्या अंगात जोश असणं गरजेचं असतं

विराट कोहली ऑस्ट्रेलियाची विकेट गेल्यानंतर आनंद व्यक्त करताना

भारत विरुद्ध ऑस्ट्रेलिया यांच्यातील क्रिकेटचा सामना म्हणलं, की दोन्ही संघामधल्या खेळाडूंचं द्वंद्व हा प्रकार ठरलेलाच असतो. काही महिन्यांपूर्वी दक्षिण आफ्रिकेविरुद्ध कसोटी सामन्यात ऑस्ट्रेलियाचे खेळाडू बॉल टॅम्परिंग करताना पकडले गेले, यानंतर संपूर्ण जगभरातून कांगारुंचा संघ टीकेचा धनी बनला. यानंतर भारताविरुद्धच्या कसोटी मालिकेसाठी क्रिकेट ऑस्ट्रेलियाने आपल्या खेळाडूंना मैदानात मर्यादा पाळण्याचं आवाहन केलं आहे. मात्र भारतीय कर्णधार विराट कोहलीचं मैदानातलं सेलिब्रेशन, ऑस्ट्रेलियन प्रशिक्षक जस्टीन लँगर यांना रुचलं नाही. हाच प्रकार आम्ही केला असता तर मिरच्या झोंबल्या असत्या, असं म्हटत लँगर यांनी भारतीय कर्णधारावर टीका केली आहे. मात्र, भारताचा माजी खेळाडू व्ही. व्ही. एस. लक्ष्मण हा विराटच्या मदतीला धावून आला आहे. विराटची ती कृती ही त्याच्या सेलिब्रेशनची स्टाईल असल्यामुळे तो काहीही वावगं करत नसल्याचं लक्ष्मणने म्हटलं आहे, तो ESPNCricinfo संकेतस्थळाला दिलेल्या मुलाखतीत बोलत होता.

“माझ्या मते ऑस्ट्रेलियन संघाने विराटच्या त्या कृतीचा चुकीचा अर्थ घेतला आहे. जेव्हा तुम्ही देशासाठी खेळत असता तेव्हा तुमच्यात तो जोश आणि अभिमान असणं गरजेचं असतं. शहाणा मुलगा बनून आलेल्या प्रेक्षकांची वाहवा मिळवणं हे खेळाडूंचं उद्दीष्ट नसतं. तुमच्या वागण्यात थोडी आक्रमकता असणं गरजेचच आहे. विराट मैदानात ज्या पद्धतीने सेलिब्रेट करतो ती त्याची आनंद साजरा करण्याची शैली आहे. त्यामुळे जस्टीन लँगरने विराटच्या कृतीचा पूर्णपणे चुकीचा अर्थ घेतला आहे”, लक्ष्मणने आपली बाजू मांडली.

अवश्य वाचा – IND vs AUS : विराटने मिळवले सचिन, द्रविडच्या पंगतीत स्थान

यावेळी बोलताना लक्ष्मणने जस्टीन लँगर आणि ऑस्ट्रेलियाच्या संघाला एक सल्लाही दिला आहे. “ऑस्ट्रेलियाच्या खेळाडूंनी सकारात्मक विचारांनी फलंदाजी करणं गरजेचं आहे. प्रत्येक षटकात २ धावा काढणारा ऑस्ट्रेलियाचा संघ आम्ही कधीही पाहिला नाहीये. मी आंतरराष्ट्रीय क्रिकेट खेळत असतानाही ऑस्ट्रेलियाचा संघ असा खेळत नव्हता.” विकेट घेतल्यानंतर त्याचं आक्रमक पद्धतीने सेलिब्रेशन करणं यात काहीच चुकीचं नाहीये. बॉल टॅम्परिंग प्रकरण आणि विराट कोहलीच्या वागणुकीची तुलना करणं चुकीचं आहे. मी जस्टीन लँगरच्या जागी असतो तर मी माझ्या संघाला विराट कोहलीचं सेलिब्रेशन विसरुन संघाच्या खेळीवर लक्ष केंद्रीत करण्याचा सल्ला दिला असता. लक्ष्मणने विराटची पाठराखण केली.

अवश्य वाचा – IND vs AUS : ….आणि विराटने मैदानातच धरला ठेका

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 8, 2018 3:07 pm

Web Title: he has got it all wrong vvs laxman responds to justin langers jibe on virat kohlis celebrations
Next Stories
1 रणजी क्रिकेट : अखेरच्या सामन्यात गौतम गंभीरचं शतक
2 IND vs AUS : विराटने मिळवले सचिन, द्रविडच्या पंगतीत स्थान
3 IND vs AUS : ‘कोहलीसारखं आम्ही केलं असतं तर जगाला मिरच्या झोंबल्या असत्या…’
Just Now!
X