युनायटेड स्टेट्स ऑफ अमेरिका या संघासाठी बुधवारचा दिवस ऐतिहासिक ठरला. मराठमोळ्या सौरभ नेत्रावळकरकडे कर्णधारपद असलेल्या अमेरिकेच्या संघाला बुधवारी ICC कडून एकदिवसीय संघाचा दर्जा प्रदान करण्यात आला. नामिबिया मध्ये WCL डिव्हिजन २ स्पर्धा रंगली होती. या स्पर्धेतील सामन्यात हाँगकाँगच्या संघाला ८४ धावांनी पराभूत केल्यानंतर अमेरिकेच्या संघाला एकदिवसीय दर्जा प्रदान करण्यात आला. ODI status for @usacricket! After losing their first game at #WCL2, they've come back to win their next three to secure one-day international cricket for the first time since the 2004 Champions Trophy! pic.twitter.com/8lkI8FVOvi — ESPNcricinfo (@ESPNcricinfo) April 24, 2019 प्रथम फलंदाजी करत अमेरिकेच्या संघाने ८ बाद २८० धावांचा डोंगर उभा केला. सलामीवीर झेव्हियर मार्शल याने दमदार शतक ठोकले. १५४ चेंडूत त्याने १०० धावा केल्या. या खेळीत त्याने ५ चौकार आणि ३ षटकार लगावले. याशिवाय स्टीव्हन टेलर याने ८८ धावांची खेळी केली. त्यानेही ७ चौकार आणि ३ षटकारांची आतषबाजी केली. या दोघांच्या व्यतिरिक्त इतर फलंदाजांना फारशी छाप पाडली नाही. त्यामुळे अमेरिकेला ८ बाद २८० धावांपर्यंतच मजल मारता आली. Historic scenes in Windhoek as #TeamUSA seal One Day International status following a comprehensive 84 run win over Hong Kong at #WCL2!!!! pic.twitter.com/Ujv4QUv7zP — USA Cricket (@usacricket) April 24, 2019 या आव्हानाचा पाठलाग करताना हाँगकाँगला ८४ धावांनी पराभव स्वीकारावा लागला. त्यांच्या संघाकडून तिसऱ्या क्रमांकावर खेळणारा किंचित शाह याने सर्वाधिक ५ धावांची खेळी केली. या खेळीत त्याने ३ चौकार लगावले. एजाज खान आणि एहसान खान या २ फलंदाजांनी ८ व्या विकेटसाठी नाबाद ६६ धावांची भागीदारी केली. पण हे दोघे मिळून हाँग काँगला केवळ ७ बाद १९६ धावांपर्यंत मजल मारून देऊ शकले. हा विजय खेळाडूंनी गाणे गात आनंद व्यक्त केला. Behind the scenes as #TeamUSA sing the team song to celebrate gaining One Day International status and securing a place in the Top 20 of the World at #WCL2 today in Namibia! pic.twitter.com/msPNb9Gnxb — USA Cricket (@usacricket) April 24, 2019 कर्णधार सौरभ नेत्रावळकर याने सामन्यात अतिशय टिच्चून मारा करत ५ षटकात केवळ १४ धावा दिल्या आणि १ बळी टिपला. त्याच्या नेतृत्वाच्या कौशल्यामुळे अमेरिकेला प्रथमच आंतरराष्ट्रीय क्रिकेटमध्ये एकदिवसीय संघाचा दर्जा मिळाला. "It's a proud feeling for everyone...We believed in each other." ICYMI: Watch #TeamUSA Captain, Saurabh Netravalkar explain to @ESPNCricinfo his squad's success at #WCL3 in Oman and gaining promotion to #WCL2 for the first — USA Cricket (@usacricket) November 26, 2018 ''आम्ही केलेल्या कामगिरीवर आम्हाला आभिमान आहे. आम्ही एकमेकांवर विश्वास ठेवला म्हणूनच आम्ही संघ म्हणून उत्तम कामगिरी करू शकलो'', असे मत सौरभने व्यक्त केले.