यजमान इंग्लंड विश्वचषक स्पर्धेच्या अंतिम सामन्यात थरारक पद्धतीने सुपर ओव्हरच्या माध्यमातून विश्वविजेता ठरला. अंतिम सामन्यात न्यूझीलंडने ५० षटकात २४१ धावा केल्या होत्या. या आव्हानाचा पाठलाग करताना इंग्लंडनेदेखील २४१ धावाच केल्या. त्यामुळे सामन्यात सुपर ओव्हर खेळवण्यात आली. सुपर ओव्हरमध्येही सामना अनिर्णित राहिला. त्यामुळे सर्वाधिक चौकार-षटकारांच्या निकषावर इंग्लंडला विश्वविजेता ठरवण्यात आले. या सामन्यात शेवटच्या षटकात सीमारेषेवरून फेकण्यात आलेला चेंडू धाव घेणाऱ्या फलंदाजांच्या बॅटला अनावधानाने लागून चौकार गेला आणि ओव्हरथ्रोच्या ४ अतिरिक्त धावा मिळाल्या. याशिवाय मूळ सामना आणि सुपर ओव्हरचा सामना अनिर्णित राहिल्याने सामन्यात सर्वाधिक चौकार षटकारांची आतषबाजी करणाऱ्या इंग्लंडला विश्वविजेता घोषित करण्यात आले. यावरून क्रिकेट जाणकारांनी आणि चाहत्यांनी ICC च्या नियमावलीवर टीकेची झोड उठवली. त्यातच भारताचा हिटमॅन रोहित शर्मा यानेदेखील या नियमांबद्दल नाराजी व्यक्त केली आणि काही नियम हे खरंच बदलणे गरजेचे असल्याचे ट्विट केले. Some rules in cricket definitely needs a serious look in.— Rohit Sharma (@ImRo45) July 15, 2019 रोहितशिवाय माजी क्रिकेटपटू मोहम्मद कैफ, युवराज सिंग जाणीव गौतम गंभीर यांनीही या नियमांबद्दल नाराजी व्यक्त केली. In the end it was more boundaries that could separate the two teams. Congratulations England, Heart goes out for New Zealand. Will take a long time sinking in #EngvsNZ— Mohammad Kaif (@MohammadKaif) July 14, 2019 Difficult to digest this more boundary rule. Something like sudden death- continuous super overs till a result is a better solution. Understand, wanting a definite winner but sharing a trophy is better than deciding on more boundaries. Very tough on New Zealand. #EngVsNZ— Mohammad Kaif (@MohammadKaif) July 14, 2019 Determining the winner on boundaries was baffling enough, the umpires not knowing rules & officiating in a finals is a joke. That deflected overthrow was a 5 as Stokes hadn’t crossed d crease. For far too long they have got away with,’Umpires are only human’. This is unpardonable— Mohammad Kaif (@MohammadKaif) July 15, 2019 -- I don’t agree with that rule ! But rules are rules congratulations to England on finally winning the World Cup , my heart goes out for the kiwis they fought till the end. Great game an epic final !!!! #CWC19Final— yuvraj singh (@YUVSTRONG12) July 14, 2019 -- Don't understand how the game of such proportions, the #CWC19Final, is finally decided on who scored the most boundaries. A ridiculous rule @ICC. Should have been a tie. I want to congratulate both @BLACKCAPS & @englandcricket on playing out a nail biting Final. Both winners imo.— Gautam Gambhir (@GautamGambhir) July 14, 2019 दरम्यान, नाणेफेक जिंकून न्यूझीलंडने प्रथम फलंदाजीचा निर्णय घेतला. पण त्यांचा हा निर्णय फसला. इंग्लंडच्या वेगवान माऱ्यापुढे न्यूझीलंडला केवळ २४१ धावांपर्यंतच मजल मारता आली. न्यूझीलंडकडून एक बाजू लावून धरत सलामीवीर हेन्री निकोल्स याने संयमी अर्धशतक केले. त्याने ५५ धावांची खेळी केली. तर डावाच्या शेवटच्या टप्प्यात टॉम लॅथम याने ४७ धावांची उपयुक्त खेळी केली. इतर फलंदाजांना मात्र चांगली खेळी करता आली नाही. ख्रिस वोक्स आणि लिअम प्लंकेट या दोघांनी ३-३ बळी टिपले. या आव्हानाचा पाठलाग करताना इंग्लंडची सुरुवात अत्यंत खराब झाली. पण बेन स्टोक्स आणि जोस बटलर या दोघांनी मोठी भागीदारी करून इंग्लंडच्या आशा पल्लवित केल्या. या दोघांनीही अर्धशतकी खेळी केली. सामन्यात बटलर बाद झाल्यावर इंग्लंडच्या आशा काहीशा मावळल्या पण स्टोक्सने शेवटपर्यंत तग धरून सामना सुपर ओव्हरमध्ये नेला. सुपर ओव्हरमध्येही सामना बरोबरीत (१५ धावा) सुटला, त्यामुळे मूळ सामन्यातील चौकार षटकारांच्या निकषावर इंग्लंडला नवा विश्वविजेता जाहीर करण्यात आले.