News Flash

World Cup 2019 : धोनीला मागे टाकत रोहित ठरला सिक्सर किंग

भारताकडून सर्वाधिक षटकार ठोकणारा फलंदाज

२०१९ विश्वचषक स्पर्धेत रोहित शर्माने आपला धडाकेबाज फॉर्म कायम ठेवला आहे. दक्षिण आफ्रिकेविरुद्ध सामन्यात शतकी खेळी करणाऱ्या रोहितने ऑस्ट्रेलियाविरुद्ध सामन्यातही आक्रमक खेळी केली. सलामीवीर शिखर धवनसोबत रोहितने शतकी भागीदारी करत संघाला आश्वासक सुरुवात करुन दिली आहे. सुरुवातीच्या काही षटकांमध्ये चाचपडत खेळणाऱ्या रोहित शर्मा आणि शिखर धवनने मैदानात स्थिरावल्यानंतर ऑस्ट्रेलियन गोलंदाजांचा चांगलाच समाचार घेतला. यादरम्यान रोहितने आंतरराष्ट्रीय क्रिकेटमध्ये महेंद्रसिंह धोनीला मागे टाकलं आहे.

आंतरराष्ट्रीय क्रिकेटमध्ये सर्वाधिक षटकार ठोकणाऱ्या फलंदाजांच्या यादीत रोहितने धोनीला मागे टाकलं आहे. धोनीच्या नावावर आतापर्यंत ३५४ षटकार जमा आहेत. ऑस्ट्रेलियाविरुद्ध सामन्यात षटकार खेचत रोहितने धोनीला पिढाडीवर टाकलं आहे. यादरम्यान रोहित आणि शिखर या दोघांनीही आपली अर्धशतकं पूर्ण केली. दरम्यान रोहित शर्मा ५७ धावा काढून कुल्टर-नाईलच्या गोलंदाजीवर माघारी परतला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 9, 2019 4:53 pm

Web Title: icc cricket world cup 2019 ind vs aus rohit sharma beat ms dhoni in most sixes in international cricket criteria psd 91
टॅग : Ms Dhoni,Rohit Sharma
Next Stories
1 World Cup 2019 : अवघ्या २० धावांत रोहितचा विश्वविक्रम, सचिन तेंडूलकरला टाकलं मागे
2 Ind vs Aus : विजय मल्ल्या ओव्हलच्या मैदानावर, म्हणाला मी सामना पहायला आलोय !
3 World Cup 2019 : रोहितचा झेल टिपण्यासाठी कुल्टर-नाईलची भन्नाट उडी, पण….
Just Now!
X