29 October 2020

News Flash

WC 2019 : भारताच्या पराभवावर शोएब अख्तर म्हणतो…

भारताचा उपांत्य फेरीत न्यूझीलंडने पराभव केला

भारतीय संघाचा विश्वचषक स्पर्धा २०१९ मधील उपांत्य फेरीत न्यूझीलंडकडून पराभव झाला. सामन्यात न्यूझीलंडने भारताला २४० धावांचे माफक आव्हान दिले होते, पण हे आव्हान भारतीय फलंदाजांना पेलता आले नाही. रोहित शर्मा, लोकेश राहुल, विराट कोहली आणि दिनेश कार्तिक हे ४ अनुभवी खेळाडू स्वस्तात तंबूत परतले. ४ बाद २४ या धक्क्यातून जाडेजा आणि धोनी यांनी भारताला सावरण्याचा प्रयत्न केला, पण अखेर त्यांचे प्रयत्न तोकडे पडले. या पराभवनानंतर भारतीय चाहते आणि क्रिकेट जाणकार यांनी आपली मते व्यक्त केली. त्यातच पाकिस्तानचा माजी क्रिकेटपटू शोएब अख्तर यानेही भारताच्या कामगिरीवर टीका केली.

“भारतीय संघाने अंतिम सामन्यात धडक मारण्याइतकी चांगली फलंदाजी अजिबात केली नाही. जाडेजा आणि धोनी या दोघांनी भारताच्या डावाला सावरण्याचा प्रयत्न केला. त्यांनी सामना जवळपास भारताच्या बाजूने झुकवलाच होता. पण विश्वचषकाने एक धक्कादायक निकाल पाहिला, न्यूझीलंड अंतिम फेरीत पोहोचला आणि भारत स्पर्धेबाहेर फेकला गेला”, अशा शब्दात ट्विट करत अख्तरने भारताच्या कामगिरीवर भाष्य केले.

दरम्यान, न्यूझीलंडच्या गोलंदाजांनी केलेल्या भेदक माऱ्याच्या जोरावर केन विल्यमसनच्या २०१९ विश्वचषक स्पर्धेत अंतिम फेरीत प्रवेश केला. अखेरच्या षटकांपर्यंत रंगलेल्या सामन्यात न्यूझीलंडने भारतावर १८ धावांनी मात केली. भारताचा संघ २२१ धावांपर्यंतच मजल मारु शकला. २४० धावांचा पाठलाग करताना भारताचा डाव कोलमडला.

रविंद्र जाडेजा आणि महेंद्रसिंह धोनी यांनी सातव्या विकेटसाठी महत्वाची भागीदारी रचत सामन्यात रंगत निर्माण केली. मात्र अखेरच्या षटकात झटपट धावा करणं भारतीय फलंदाजांना जमलं नाही. रविंद्र जाडेजा आणि धोनीच्या मोक्याच्या क्षणी माघारी परतल्यामुळे भारताचा संघ बॅकफूटला ढकलला गेला. रविंद्र जाडेजाने ७७ तर धोनीने ५० धावा केल्या. या पराभवासह भारताचं विश्वचषक स्पर्धेतलं आव्हानही संपुष्टात आलं आहे. न्यूझीलंडकडून मॅट हेन्रीने ३, मिचेल सँटनरने-ट्रेंट बोल्टने २-२ तर फर्ग्युसन आणि निशमने १-१ बळी घेतला. भारताचा एक फलंदाज धावबाद झाला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 12, 2019 2:03 pm

Web Title: icc cricket world cup 2019 ind vs nz semi final shoaib akhtar reaction india batting new zealand vjb 91
Next Stories
1 World Cup 2019 : विराटने शास्त्रींचं ऐकलं नाही आणि सामना गमावला
2 WC 2019 : ‘आम्ही अपयशी ठरलो’; हिटमॅनची प्रामाणिक कबुली
3 नशीब बलवत्तर म्हणून चेंडू थेट स्टंपला लागला: गप्टिल
Just Now!
X