31 May 2020

News Flash

जाणून घ्या धोनीच्या ग्लोव्ह्जवरील या चिन्हाचा अर्थ, तुम्हालाही त्याचा अभिमान वाटेल

आफ्रिकेविरुद्धच्या सामन्यात धोनीच्या हातात विशेष ग्लोव्ह्ज

विश्वचषकाचा पहिला सामना खेळणाऱ्या भारतीय संघाने दक्षिण आफ्रिकेवर ६ गडी राखून मात केली. सलामीवीर रोहित शर्माने या सामन्यात नाबाद शतकी खेळी करत विजयात मोलाचा वाटा उचलला. मात्र कालच्या सामन्यात भारताचा यष्टीरक्षक महेंद्रसिंह धोनीने पुन्हा एकदा आपल्या अनोख्या कृतीमुळे सर्वांची मनं जिंकून घेतली.

अवश्य वाचा – World Cup 2019 : रोहितची आतापर्यंत सर्वोत्तम खेळी, कर्णधार विराट कोहलीकडून कौतुक

महेंद्रसिंह धोनीने आपल्या यष्टीरक्षक ग्लोव्ह्जवर एक खास चिन्ह लावलं होतं. महत्वाची गोष्ट म्हणजे हे चिन्ह कोणालाही वापरण्याची परवानगी नाहीये. या चिन्हाला ‘बलिदान चिन्ह’ असं म्हटलं जातं, पॅरा कमांडोजच्या सदस्यांना हे चिन्ह वापरण्याची परवानगी मिळते.

काय आहे ‘बलिदान चिन्ह’??

पॅरा कमांडोजच्या पॅराशूट युनिटकडे हे विशेष बलिदान चिन्ह असतं. या चिन्हावर देवनागरी लिपीमध्ये ‘बलिदान’ असं लिहीलेलं असतं हे चिन्ह चांदीपासून बनवलेलं असतं. या चिन्हावर लाल रंगाच्या प्लास्टिकचं आवरणंही असतं.

अवश्य वाचा – Cricket World Cup 2019 : भारतीय क्रिकेटच्या ‘दादा’ला मागे टाकत रोहित शर्माचा भीमपराक्रम !

२०११ साली महेंद्रसिंह धोनीला भारतीय लष्करातर्फे मानाची लेफ्टनंट कर्नल ही पदवी बहाल करण्यात आली होती. धोनीने यासोबत पॅराट्रूपिंगचंही प्रशिक्षण घेतलं आहे. धोनी भारतीय सैनाच्या १०६ पॅराशूट रेजिमेंटचा सदस्य आहे. २०१५ साली प्रशिक्षण घेऊन धोनी पारंगत पॅराट्रूपर बनला होता. भारतीय वायूसेनेच्या एएन-३२ विमानांमधून पाचवेळा उडी मारल्यानंतर सैनिकाचं पॅराट्रूपिंगचं प्रशिक्षण पूर्ण होतं. म्हणूनच आफ्रिकेविरुद्धच्या सामन्यात धोनी हे विशेष बलिदान चिन्ह असलेलं ग्लोव्ह्ज घालून मैदानात उतरला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 6, 2019 10:37 am

Web Title: icc cricket world cup 2019 ind vs sa ms dhoni special gloves para commando special unit
टॅग Ms Dhoni
Next Stories
1 World Cup 2019 : न्यूझीलंडच्या विजयात ट्रेंट बोल्टची विक्रमी कामगिरी
2 World Cup 2019 : रोहितची आतापर्यंत सर्वोत्तम खेळी, कर्णधार विराट कोहलीकडून कौतुक
3 विंडीजवर वर्चस्वासाठी ऑस्ट्रेलिया उत्सुक
Just Now!
X