News Flash

World Cup 2019 : अवघ्या २० धावांत रोहितचा विश्वविक्रम, सचिन तेंडूलकरला टाकलं मागे

विश्वचषक स्पर्धेत रोहित शर्मा चांगल्या फॉर्मात

२०१९ विश्वचषक स्पर्धेत पहिल्या धावात शतकी खेळी करणाऱ्या रोहित शर्माने, ऑस्ट्रेलियाविरुद्ध दुसऱ्या सामन्यात आपली चमक दाखवली आहे. अवघ्या २० धावा काढून झाल्यानंतर रोहितने आंतरराष्ट्रीय क्रिकेटमध्ये एक अनोखा विक्रम आपल्या नावे जमा केला आहे. ऑस्ट्रेलियाविरुद्ध सर्वात जलद २ हजार धावा काढणाऱ्या फलंदाजांच्या यादीत रोहित शर्मा पहिल्या स्थानावर पोहचला आहे. ऑस्ट्रेलियाविरुद्ध सामना सुरु होण्याआधी रोहितच्या नावावर १९८० धावा जमा होत्या.  २ हजार धावा पूर्ण करण्यासाठी त्याला अवघ्या २० धावा हव्या होत्या. ही औपचारिकता पूर्ण करत रोहितने अखेरीस मानाच्या यादीत पहिलं स्थान पटकावलं आहे.

यादरम्यान रोहितने सचिन तेंडूलकर, सर व्हिवीअन रिचर्ड्स यांसारख्या दिग्गज खेळाडूंचा विक्रम मोडीत काढला आहे. रोहितने ३८ डावांमध्ये ऑस्ट्रेलियाविरुद्ध २ हजार धावा पूर्ण केल्या आहेत. या तुलनेत सर व्हिवीअन रिचर्ड्स यांनी ४५, डेस्मन हेन्स यांनी ५९ तर सचिन तेंडुलकर यांनी ५१ डावांत २ हजार धावांचा टप्पा ओलांडला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 9, 2019 4:07 pm

Web Title: icc cricket world cup 2019 rohit sharma becomes fastest man to complete 2 thousand runs in odi vs aus psd 91
Next Stories
1 Ind vs Aus : विजय मल्ल्या ओव्हलच्या मैदानावर, म्हणाला मी सामना पहायला आलोय !
2 World Cup 2019 : रोहितचा झेल टिपण्यासाठी कुल्टर-नाईलची भन्नाट उडी, पण….
3 World Cup 2019 : ऑस्ट्रेलियन कर्णधार फिंच म्हणतो, विराट नव्हे स्टिव्ह स्मिथ सर्वोत्तम फलंदाज !
Just Now!
X