News Flash

दोन वेळच्या विश्वचषक विजेत्या संघाचे आव्हान संपुष्टात

अफगाणिस्तान आणि दक्षिण आफ्रिकेनंतर वेस्ट विंडिज संघाचे विश्वषकातील आव्हान संपुष्टात आले आहे.

अफगाणिस्तान आणि दक्षिण आफ्रिकेनंतर वेस्ट विंडिज संघाचे विश्वषकातील आव्हान संपुष्टात आले आहे. गुरूवारी भाराताविरोधात झालेल्या दारूण पराभवानंतर विंडिजच्या आपेक्षावर पाणी फिरले. भारताने विंडिजचा १२५ धावांनी पराभव करत उपांत्य फेरीकडे कूच केली आहे.

विश्वचषक स्पर्धा सध्या अंतिंम टप्यात पोहचली असून गुणतालिकेवर नजर टाकल्यास विंडिजचा संघ सध्या फक्त तीन गुणांसह आठव्या स्थानावर आहे. दोन वेळच्या विश्वचषक विजेत्या विंडिज संघाला सात सामन्यात फक्त एक विजय मिळवता आला आहे तर एक सामना पावसाने धुतला गेल्यामुळे एक गुण मिळाला आहे. या विश्वचषकातील विंडिच्या संघाचे आव्हान संपल्यात जमा आहे. उर्वरीत दोन्ही सामन्यात विंडिज संघाने विजय मिळवला तरी त्यांना उपांत्य फेरीत पोहोचता येणार नाही. त्यामुळे अखेरचे दोन्ही सामने जिंकून विंडिज संघ स्पर्धेचा शेवट गोड करणार का? हे पाहण्याजोगे ठरेल.

अखेरच्या दोन्ही सामन्यात विजय मिळवून स्पर्धेचा शेवट गोड करण्याचा प्रयत्न विंडिजचा संघ नक्कीच करेल. विंडिजचे अखेरचे दोन सामने श्रीलंका आणि अफगाणिस्तान संघाबरोबर आहेत. अफगाणिस्तान संघाचे स्पर्धेतील आव्हान आधीच संपुष्टात आले आहे. मात्र विंडिजच्या संघाने पराभव केल्यास श्रीलंकेचे आव्हानही संपुष्टात येऊ शकते. त्यामुळे बेभरोशाच्या विडिंज संघ श्रीलंकेसाठी धोकादायक ठरू शकतो.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 28, 2019 1:34 pm

Web Title: icc cricket world cup 2019 west indies ruled out world cup 2019 nck 90
Next Stories
1 World Cup 2019: ‘धोनी एक महान खेळाडू’, टीकाकारांना विराट कोहलीचं उत्तर
2 हा कसला युनिव्हर्सल बॉस, याची बॉसगिरी केवळ सपाट मैदानांवर
3 VIDEO: चर्चा शमीच्या त्या खास सेलिब्रेशनची, जाणून घ्या या सेलिब्रेशनचा अर्थ
Just Now!
X