19 September 2020

News Flash

World Cup 2019: धोनीच्या ग्लोव्ह्जवरील ‘ते’ चिन्ह काढा; ICC चे BCCI ला आदेश

पहिल्या सामन्यात धोनीने पॅरा कमांडोजचे 'बलिदान' चिन्ह असलेले ग्लोव्ह्ज वापरले होते

विश्वचषकाचा पहिला सामना खेळणाऱ्या भारतीय संघाने दक्षिण आफ्रिकेवर ६ गडी राखून मात केली. सलामीवीर रोहित शर्माने या सामन्यात नाबाद शतकी खेळी करत विजयात मोलाचा वाटा उचलला. मात्र त्या सामन्यात भारताचा यष्टीरक्षक महेंद्रसिंह धोनीने याने पॅरा कमांडोजच्या पॅराशूट युनिटकडे असलेले विशेष ‘बलिदान’ चिन्ह असलेले ग्लोव्ह्ज वापरले होते. त्याच्या ग्लोव्ह्जवरील हे चिन्ह काढून टाकावे असे आदेश ICC कडून BCCI ले देण्यात आले आहेत.

महेंद्रसिंह धोनीने आपल्या यष्टीरक्षक ग्लोव्ह्जवर एक खास चिन्ह लावलं होतं. महत्वाची गोष्ट म्हणजे हे चिन्ह कोणालाही वापरण्याची परवानगी नाहीये. या चिन्हाला ‘बलिदान चिन्ह’ असं म्हटलं जातं, पॅरा कमांडोजच्या सदस्यांना हे चिन्ह वापरण्याची परवानगी मिळते. पॅरा कमांडोजच्या पॅराशूट युनिटकडे हे विशेष बलिदान चिन्ह असतं. या चिन्हावर देवनागरी लिपीमध्ये ‘बलिदान’ असं लिहीलेलं असतं हे चिन्ह चांदीपासून बनवलेलं असतं. या चिन्हावर लाल रंगाच्या प्लास्टिकचं आवरणंही असतं.

२०११ साली महेंद्रसिंह धोनीला भारतीय लष्करातर्फे मानाची लेफ्टनंट कर्नल ही पदवी बहाल करण्यात आली होती. धोनीने यासोबत पॅराट्रूपिंगचंही प्रशिक्षण घेतलं आहे. धोनी भारतीय सैनाच्या १०६ पॅराशूट रेजिमेंटचा सदस्य आहे. २०१५ साली प्रशिक्षण घेऊन धोनी पारंगत पॅराट्रूपर बनला होता. भारतीय वायूसेनेच्या एएन-३२ विमानांमधून पाचवेळा उडी मारल्यानंतर सैनिकाचं पॅराट्रूपिंगचं प्रशिक्षण पूर्ण होतं. म्हणूनच आफ्रिकेविरुद्धच्या सामन्यात धोनी हे विशेष बलिदान चिन्ह असलेलं ग्लोव्ह्ज घालून मैदानात उतरला होता. मात्र हे चिन्ह काढून टाकावे असे आदेश ICC कडून BCCI ला देण्यात आले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 6, 2019 9:35 pm

Web Title: icc world cup 2019 icc bcci dhoni keeping gloves sacrifice sign
Next Stories
1 Video : कॉट्रेलच्या ‘सॅल्यूट’ची समालोचकांनाही भुरळ
2 Video : विंडीजच्या होपने टिपला भन्नाट झेल
3 Video : अनोखं सेलिब्रेशन! फलंदाजांना माघारी धाडत ठोकला ‘ग्रँड सॅल्यूट’
Just Now!
X