24 November 2020

News Flash

Ind vs Aus : दुखापतींचं सत्र काही केल्या थांबेना…आता ‘गब्बर’ही झाला जायबंदी

शिखरच्या बरगड्यांना दुखापत

भारतीय संघाला लागलेलं दुखापतींचं ग्रहण काही केल्या कमी होण्याचं चिन्ह दिसत नाहीये. पहिल्या सामन्यात फलंदाजीदरम्यान यष्टीरक्षक ऋषभ पंतच्या हेल्मेटला बॉल लागल्यामुळे त्याला दुसऱ्या सामन्याला मुकावं लागलं. यानंतर दुसऱ्या सामन्यातक भारतीय संघाचा सलामीवीर शिखर धवन दुखापतग्रस्त झाल्याचं समजतंय. शिखरच्या बरगड्यांना फलंदाजीदरम्यान दुखापत झाल्यामुळे तो क्षेत्ररक्षणासाठी मैदानात उतरला नाही. त्याच्या जागेवर युजवेंद्र चहल बदली खेळाडू म्हणून मैदानात उतरला.

दरम्यान, पहिल्या सामन्यात अपयशी ठरलेल्या रोहित शर्मा आणि शिखर धवन जोडीने दुसऱ्या सामन्यात डावाची सुरुवात सावधपणे केली. दोन्ही फलंदाजांनी ऑस्ट्रेलियन गोलंदाजांचा नेटाने सामना करत पहिल्या विकेटसाठी ८१ धावांची भागीदारी केली. रोहित शर्माला ४२ धावांवर बाद करत झॅम्पाने भारताची जमलेली जोडी फोडली. यानंतर शिखर धवन आणि विराट कोहली यांनी संघाचा डाव सावरत दुसऱ्या विकेटसाठी शतकी भागीदारी केली.

या दोन्ही फलंदाजांनी ऑस्ट्रेलियन गोलंदाजांचा समाचार घेत मैदानाच्या चौफेर फटकेबाजी केली. शिखर धवन आपल्या शतकापासून ४ धावा दूर असताना रिचर्डसनच्या गोलंदाजीवर स्टार्कने त्याचा झेल घेतला

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 17, 2020 6:13 pm

Web Title: ind vs aus 2nd odi shikhar dhawan gets injured will not take part in fielding psd 91
Next Stories
1 Video : कोहलीच्या मनसुब्यांवर झॅम्पाचं पाणी, पुन्हा एकदा ठरला शिकार
2 Video : रोहित शर्माने लगावलेला हा झकास फटका पाहाच…
3 Ind vs Aus : सलामीवीर रोहित शर्माचा विक्रम, हाशिम आमलाला टाकलं मागे
Just Now!
X