ऑस्ट्रेलियाविरुद्ध तिसऱ्या वन-डे सामन्यादरम्यान रविंद्र जाडेजा आणि हार्दिक पांड्या या जोडीने पाचव्या विकेटसाठी नाबाद दीड शतकी भागीदारी करत कांगारुंची पळता भुई थोडी केली. ५ बाद १५२ अशी परिस्थिती असताना जाडेजा आणि पांड्या यांनी सुरुवातीला सावध खेळ करत मैदानावर पाय रोवले. यानंतर अखेरच्या षटकांमध्ये कांगारुंची धुलाई करत दोन्ही फलंदाजांनी खोऱ्याने धावा वसूल केल्या. रविंद्र जाडेजाने ५० चेंडूत ५ चौकार आणि ३ षटकारांसह नाबाद ६६ धावा केल्या. या धडाकेबाज अर्धशतकी खेळाच्या जोरावर रविंद्र जाडेजा याचं नाव आता कपिल देव यांच्या यादीत घेतलं जाणार आहे. वन-डे क्रिकेटमध्ये ऑस्ट्रेलियाविरुद्ध खेळत असताना सातव्या क्रमांकावर फलंदाजीला येऊन सर्वाधिक धावा करणाऱ्या फलंदाजांच्या यादीत जाडेजाला स्थान मिळालं आहे. माजी कर्णधार कपिल देव या यादीत पहिल्या स्थानावर आहेत. आणखी वाचा- Video : दणक्यात पदार्पण करणारा नटराजन सोशल मीडियावर ठरतोय चर्चेचा विषय Highest ODI Score by No.7 Indian Player in Australia 75 - Kapil Dev (1980) 66* - Ravindra Jadeja (Today) 60* - Hemang Badani (2004) 51 - Robin Uthappa (2008)#INDvsAUS — CricBeat (@Cric_beat) December 2, 2020 याचसोबत तब्बल ७ वर्षांनी रविंद्र जाडेजाने ऑस्ट्रेलियाच्या मैदानावर वन-डे क्रिकेटमध्ये भारताच्या तळातल्या फलंदाजांची ताकद दाखवून दिली. During IND vs AUS ODI Series No.6 or below Indian batsman Scoring atleast 2 50s Suresh Raina (2009) MS Dhoni (2013) Hardik Pandya (2020)*#INDvsAUS — CricBeat (@Cric_beat) December 2, 2020 आणखी वाचा- २०२० मध्ये आता हेच बघायचं राहिलं होतं ! विराट कोहलीच्या बाबतीत घडून आला दुर्दैवी योगायोग हार्दिक पांड्यानेही दुसऱ्या बाजूने आक्रमक खेळी करत भारतीय संघाची पडझड होणार नाही याची काळजी घेतली. हार्दिकने ७६ चेंडूत ७ चौकार आणि एका षटकारासह नाबाद ९२ धावा केल्या.
