भारत आणि ऑस्ट्रेलिया यांच्यात बुधवारपासून मालिकेला सुरुवात होणार आहे. या दौऱ्यात ३ टी२० सामने, ४ कसोटी सामने आणि ३ एकदिवसीय सामन्याच्या मालिका रंगणार आहेत. या दौऱ्यासाठी २-३ दिवसांपूर्वीच भारतीय संघ ऑस्ट्रेलियाला रवाना झाला. सामन्याआधी काही दिवस भारताच्या संघाला तेथील खेळपट्ट्या आणि तेथील वातावरणाशी जुळवून घेता यावे, म्हणून खेळाडूंनी मैदानावर सराव केला. या दरम्यानचे काही क्षण खेळाडूंनी आपल्या सोशल मीडियावर शेअर केले. त्यात एका फोटोमध्ये फलंदाज मनीष पांडे आणि फिरकीपटू कुलदीप यादव चक्क मारामारी करत आहेत की काय, असे वाटत आहे. कुलदीप यादवने आपल्या इंस्टाग्राम अकाऊंटवरून एक फोटो शेअर केला आहे. हा फोटो पाहून मनीष पांडे आणि कुलदीप यादव यांच्यामध्ये कुस्तीचा सामना रंगला आहे की काय, अशी शंका कोणालाही येऊ शकते. मात्र कुलदीपने या फोटोखाली कॅप्शन लिहून साऱ्यांचे शंकानिरसन केले आहे. 'मैदानावर जेव्हा मनीष मला स्ट्रेचिंगचा सराव देत असतो, त्यावेळी मी आणि मनीष मारामारी करत आहोत की काय अशी शंका लोकांना येते. पण तसे काही नाही. याउलट गॅब्बा येथे मनीष बरोबर स्ट्रेचिंगचा सराव करताना मजा आली आणि ताजेतवाने वाटले, असे त्याने स्पष्टीकरण दिले आहे. View this post on Instagram @manishpandeyinsta and his childishness makes stretching look like a fight! Had fun with him while at practice in the Gabba. A post shared by Kuldeep Yadav (@kuldeep_18) on Nov 18, 2018 at 7:14pm PST दरम्यान, कुलदीप यादवचा भारताच्या टी२० आणि कसोटी अशा दोनही संघात समावेश आहे. तर मनीषला केवळ टी२० संघात स्थान मिळवता आलेले आहे.