05 August 2020

News Flash

सचिनचा सल्ला आला कामी, विराटने झळकावलं दिवस-रात्र कसोटीतलं पहिलं शतक

कसोटीत मालिकेत भारताची बाजी

विराट कोहलीच्या नेतृत्वाखाली भारतीय संघाने दुसऱ्या कसोटीत सामन्यात बांगलादेशवर डावाने विजय मिळवला. २ कसोटी सामन्यांची मालिका भारताने २-० ने खिशात घातली. कर्णधार विराट कोहलीने पहिल्या डावात १३६ धावांची खेळी करत गुलाबी चेंडूवर दिवस-रात्र कसोटीत भारताकडून पहिलं शतक झळकावण्याचा बहुमान पटकावला. विराट कोहलीने आपल्या शतकाचं श्रेय भारताचा माजी खेळाडू सचिन तेंडुलकरला दिला.

अवश्य वाचा – ऐतिहासिक विजयासह विराट कोहलीला मानाच्या पंगतीत स्थान

सामना संपल्यानंतर विराट कोहलीने आपल्या शतकी खेळीमागचं गुपित उलगडलं. “दिवस-रात्र कसोटीत दुपारचं सत्र खेळण्यासाठी खूप सोपं असतं. मी सचिन सरांशी बोलत होतो, त्यांनी मला फलंदाजीसाठी मोलाचा सल्ला दिला. गुलाबी चेंडूवर खेळताना दुसरं सत्र हे पहिल्या सत्रासारखं समज, ज्यावेळी काळोख होतो त्यावेळी चेंडू स्विंग होईल. पारंपरिक कसोटीत अखेरच्या सत्रात फलंदाजी करणं अवघड होतं. मात्र, दिवस-रात्र कसोटीतलं दुसरं सत्र हे पारंपरिक कसोटीच्या पहिल्या सत्राप्रमाणे खेळलं तर सोपं होईल.” विराटने सचिनने दिलेला सल्ला सर्वांना सांगितला.

अवश्य वाचा – टीम इंडियाच्या पहिल्या दिवस-रात्र कसोटीचे मानकरी, जाणून घ्या एका क्लिकवर

दरम्यान, कसोटी क्रिकेटमध्ये भारतीय संघाचा हा सलग सातवा विजय ठरला आहे. याचसोबत कसोटीत सलग ४ सामने डावाने जिंकण्याचा मानही भारतीय संघाला मिळाला आहे. याआधी २०१३ साली भारतीय संघाने कसोटी क्रिकेटमध्ये सलग ६ विजयांची नोंद केली होती. २०१९ वर्षातला भारतीय संघाचा हा अखेरचा कसोटी सामना होता. यानंतर भारतीय संघाला घरच्या मैदानावर वेस्ट इंडिजविरुद्ध मर्यादीत षटकांच्या क्रिकेट मालिकेला सामोरं जावं लागणार आहे.

अवश्य वाचा – IND vs BAN : गुलाबी कसोटीत ‘विराट’सेनेची ऐतिहासिक कामगिरी

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 24, 2019 8:01 pm

Web Title: ind vs ban 2nd test kolkata virat kohli thanks sachin tendulkar for his input which help him to slam century psd 91
Next Stories
1 भारत – बांगलादेश कसोटी सामन्यावर सट्टा लावणाऱ्या ५ जणांना अटक
2 IND vs BAN : भारताच्या जलदगती त्रिकुटाने गाजवली मालिका, जाणून घ्या आकडेवारी
3 ICC Test Championship Points Table : भारताचं अव्वल स्थान अधिक बळकट
Just Now!
X