16 January 2021

News Flash

Video : अति ‘सुंदर’… सीमारेषेवर वॉशिंग्टनने पकडला भन्नाट झेल

दोन्ही पाय जमिनीवर घसपटले आणि...

भारत आणि बांगलादेश यांच्यातील नागपूरमधील तिसऱ्या आणि अंतिम टी २० सामन्यात बांगलादेशचा कर्णधार मोहम्मदुल्लाह याने नाणेफेक जिंकून भारताला प्रथम फलंदाजीसाठी आमंत्रण दिले. श्रेयस अय्यर (६२) आणि के एल राहुल (५२) यांच्या दमदार अर्धशतकामुळे भारताने २० षटकात ५ बाद १७४ धावा केल्या आणि बांगलादेशपुढे १७५ धावांचे आव्हान ठेवले. मनीष पांडेनेही १३ चेंडूत २२ धावांची झंझावाती खेळी केली. या आव्हानाचा पाठलाग करताना बांगलादेशच्या फलंदाजीच्या वेळी भारताच्या वॉशिंग्टन सुंदरने एक अतिसुंदर झेल टिपला.

२ चौकार लगावत बांगलादेशचा सलामीवीर लिटन दास याने दमदार सुरूवात केली. फटकेबाजी सुरू ठेवत त्याने एक मोठा फटका खेळला, पण तो चेंडू अपेक्षेइतका दूर गेला नाही. सीमारेषेवर तैनात असलेल्या वॉशिंग्टन सुंदरने तो झेल अत्यंत भन्नाट प्रकारे पकडला. झेल पकडताना त्याचे दोन्ही पाय जमिनीवर घसपटले. पण त्याने आपला तोल जाऊ दिला नाही अन् झकास झेल टिपला.

हा पहा व्हिडीओ –

त्या आधी, कर्णधार रोहित शर्मा स्वस्तात त्रिफळाचीत झाला. त्याने ६ चेंडूत २ धावा केल्या.
रोहितनंतर शिखर धवनही लवकर माघारी परतला आणि भारताला दुसरा धक्का बसला. त्याने ४ चौकारांसह १६ चेंडूत १९ धावा केल्या. बराच काळ फॉर्मशी झगडत असलेला लोकेश राहुल याला अखेर सूर गवसला. ३३ चेंडूत ७ चौकारांच्या मदतीने त्याने अर्धशतक झळकावले. दमदार अर्धशतक ठोकल्यानंतर लोकेश राहुल लगेचच माघारी परतला. त्याने ७ चौकारांसह ३५ चेंडूत ५२ धावा केल्या.

युवा खेळाडू श्रेयस अय्यर याने धडाकेबाज खेळी करत २७ चेंडूत अर्धशतक झळकावले. आपले पहिलेवहिले टी २० शतक झळकावणारा श्रेयस अय्यर ३३ चेंडूत ६२ धावा करून झेलबाद झाला. त्याने ३ चौकार आणि ५ षटकार लगावले. श्रेयस अय्यर (६२) आणि के एल राहुल (५२) यांच्या दमदार अर्धशतकामुळे भारताने २० षटकात ५ बाद १७४ धावा केल्या. मनीष पांडेनेही १३ चेंडूत २२ धावांची झंझावाती खेळी केली. त्यामुळे भारताने बांगलादेशपुढे १७५ धावांचे आव्हान ठेवले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 10, 2019 9:42 pm

Web Title: ind vs ban india vs bangladesh washington sundar takes super awesome atisundar catch liton das vjb 91
Next Stories
1 IND vs BAN 3rd T20 : दीपक चहरची हॅटट्रिक; भारताचा बांगलादेशवर मालिका विजय
2 इंग्लंड-न्यूझीलंडमध्ये पुन्हा झाली Super Over, ‘हा’ लागला निकाल
3 तेजस्विनीकडून ऑलिम्पिकचे स्थान पक्के!
Just Now!
X