भारतीय संघाने दुसऱ्या कसोटीच्या पहिल्या डावात ३२९ धावांपर्यंत मजल मारली. या आव्हानाला प्रत्युत्तर देताना इंग्लंडच्या फलंदाजांची दाणादाण उडाली. अनुभवी फिरकीपटू रविचंद्रन अश्विनच्या पाच बळींच्या जोरावर भारताने इंग्लंडला पहिल्या डावात १३४ धावांवरच रोखलं. इंग्लंडचा नवखा बेन फोक्स याने एकाकी झुंज देत नाबाद ४२ धावा केल्या. पण इतर कोणत्याही फलंदाजाला चमक दाखवता आली नाही. पहिल्या डावाअखेर भारताला १९५ धावांची आघाडी मिळाली. INNINGS BREAK! #TeamIndia take a 195-run lead after bowling out England for 134 in the 2nd @Paytm #INDvENG Test! wickets for @ashwinravi99 wickets each for @ImIshant & @akshar2026 wickets for Mohammed Siraj Scorecard pic.twitter.com/eGApzbHf1V — BCCI (@BCCI) February 14, 2021 Video: हवेत झेप घेत अजिंक्यने घेतलेला भन्नाट झेल पाहिलात का? ३३० धावांच्या आव्हानाला प्रत्युत्तर देताना भारतीय फिरकीपटूंपुढे इंग्लंडच्या गोलंदाजांची दाणादाण उडाली. सलामीवीर रॉरी बर्न्स शून्यावर बाद झाला. पाठोपाठ डॉम सिबली (१६) आणि डॅन लॉरेन्स (९) दोघांना अश्विनने बाद केले. आपली पहिली कसोटी खेळणाऱ्या अक्षर पटेलने तुफान फॉर्मात असलेल्या कर्णधार जो रूटला (६) स्वस्तात माघारी धाडले. बेन स्टोक्स (१८) आणि ओली पोप (२२) यांनी थोड्या धावा केल्या, पण त्यांनादेखील फार काळ खेळपट्टी सांभाळता आली नाही. मोईन अली(६), ओली स्टोन (१), जॅक लीच (५) आणि स्टुअर्ट ब्रॉड (०) हेदेखील स्वस्तात बाद झाले. नवोदित बेन फोक्सने नाबाद ४२ धावांची झुंजार खेळी केली. त्यामुळे इंग्लंडला १३४ धावांपर्यंत मजल मारता आली. अश्विनने ५, अक्षर पटेल आणि इशांत शर्माने २-२ तर मोहम्मद सिराजने १ बळी घेतला. Our first innings comes to an end. Scorecard: pic.twitter.com/IYz9NO8p93 — England Cricket (@englandcricket) February 14, 2021 Video: इंग्लंडच्या मोईन अलीला प्रेक्षकाने विचारला भन्नाट प्रश्न अन्… दरम्यान, त्याआधी भारताने नाणेफेक जिंकून प्रथम फलंदाजी स्वीकारली. शुबमन गिल (०), चेतेश्वर पुजारा (२१), विराट कोहली (०) हे तिघे स्वस्तात बाद झाले. रोहित शर्मा आणि अजिंक्य रहाणे यांनी १६२ धावांची भागीदारी केली. रोहित दीडशतक (१६१) ठोकून तर अजिंक्य अर्धशतक (६७) झळकावून माघारी परतला. त्यानंतर ऋषभ पंतच्या नाबाद अर्धशतकी (५८) खेळीव्यतिरिक्त इतर फलंदाजांनी निराशा केली. पंतच्या फटकेबाजीच्या बळावर भारताने ३२९ धावांपर्यंत मजल मारली. मोईन अलीने ४, ओली स्टोनने ३, जॅक लीचने २ तर कर्णधार रूटने १ बळी घेतला.