भारत आणि न्यूझीलंड यांच्यातील कसोटी मालिकेला अखेरीस सुरुवात झालेली आहे. नवीन वर्षातला भारतीय संघाचा हा पहिला कसोटी सामना असल्यामुळे या सामन्यात विजयी सुरुवात करण्याचं ध्येय भारतीय संघासमोर असणार आहे. वेलिंग्टनच्या पहिल्या कसोटी सामन्यात न्यूझीलंडचा कर्णधार केन विल्यमसनने नाणेफेक जिंकत प्रथम गोलंदाजी करण्याचा निर्णय घेतला. न्यूझीलंडचा सर्वात अनुभवी खेळाडू रॉस टेलरने या सामन्यात मैदानावर पाऊल ठेवताच शतकाची नोंद केली आहे. क्रिकेटच्या तिन्ही प्रकारात १०० सामने खेळणारा रॉस टेलर हा पहिला आंतरराष्ट्रीय क्रिकेटपटू ठरलाय. याआधी कोणत्याही खेळाडूला अशी कामगिरी जमलेली नाहीये. Ross Taylor today becomes the first player in international cricket history to appear in 100 or more matches in each of the three formats.ODIs: 231T20Is: 100Tests: 100*#INDvsNZ #INDvNZ #NZvIND #NZvsIND— Mohandas Menon (@mohanstatsman) February 20, 2020 दरम्यान भारतीय संघात या सामन्यासाठी दोन महत्वाचे बदल करण्यात आले. रोहित शर्माच्या जागेवर मुंबईकर पृथ्वी शॉला संधी देण्यात आली. मात्र १६ धावा काढत तो टीम साऊदीच्या गोलंदाजीवर त्रिफळाचीत होऊन माघारी परतला. याव्यतिरीक्त वृद्धीमान साहाऐवजी भारतीय संघ व्यवस्थापनाने ऋषभ पंतला संधी दिली.