27 May 2020

News Flash

Ind vs SA : उमेश यादव चमकला, विंडीजच्या दिग्गज गोलंदाजासारखी केली कामगिरी

भारताच्या भेदक माऱ्यासमोर आफ्रिकेची दाणादाण

भारतीय गोलंदाजांनी दक्षिण आफ्रिकेविरुद्ध रांची कसोटी सामन्यात दिमाखदार कामगिरी करत, भारताच्या आणखी एका निर्भेळ यशावर शिक्कामोर्तब केलं आहे. पहिल्या डावात रोहित शर्माचं द्विशतक आणि अजिंक्य रहाणेच्या शतकी खेळीच्या जोरावर भारताने ४९७ डावांपर्यंत मजल मारली. यानंतर आफ्रिकेचा पहिला डाव भारताने १६२ धावांवर संपवला. उमेश यादवने ३ तर मोहम्मद शमी-शाहबाद नदीम आणि रविंद्र जाडेजाने प्रत्येकी २-२ बळी घेतले.

पुण्याच्या गहुंजे मैदानावर उमेश यादवला संधी मिळाली. ज्या संधीचं उमेशने सोनं केलं. तिसऱ्या कसोटी सामन्यातही उमेशने आफ्रिकेच्या डावाला खिंडार पाडलं. या कामगिरीसह उमेश यादव घरच्या मैदानावर शेवटच्या सलग पाच डावांमध्ये ३ किंवा त्यापेक्षा जास्त बळी घेणारा दुसरा गोलंदाज ठरला आहे. याआधी विंडीजचे दिग्गज गोलंदाज कर्टनी वॉल्श यांनी भारताविरुद्ध अशी कामगिरी केली होती.

घरच्या मैदानावर गेल्या पाच डावांमधली उमेश यादवची कामगिरी –

६/८८, ४/४५, ३/३७, ३/२२, ३/४०*

दरम्यान पहिल्या डावात आफ्रिकेचा डाव १६२ धावांवर संपल्यानंतर विराट कोहलीने आफ्रिकेला फॉलोऑन दिला. दुसऱ्या डावातही आफ्रिकेची खराब सुरुवात झाली आहे. आफ्रिकेचे ४ फलंदाज हे ५० धावांच्या आतच माघारी परतले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 21, 2019 3:22 pm

Web Title: ind vs sa 3rd test ranchi umesh yadav shines equals with curtny walsh psd 91
Next Stories
1 Video : …अन् डु प्लेसिस मैदानात येताच विराट-रोहितला हसू अनावर
2 Ind vs SA : विराटच्या रणनितीसमोर प्रतिस्पर्धी संघ होतोय घायाळ
3 सचिनने बजावला मतदानाचा हक्क; मतदारांना दिला मोलाचा संदेश
Just Now!
X