भारतीय संघाच्या वेस्ट इंडिज दौऱ्याला आजपासून सुरुवात होते आहे. अमेरिकेतल्या फ्लोरिडा येथे शनिवार आणि रविवारी दोन टी-२० खेळवले जाणार आहेत. विश्वचषक स्पर्धेनंतर भारतीय संघाचा हा पहिलाच परदेश दौरा असणार आहे. मात्र या दौऱ्यातील पहिल्याच सामन्यात पावसाचं सावट आहे. अवश्य वाचा - स्वतःला सिद्ध करण्याची ऋषभ पंतकडे संधी – विराट कोहली फ्लोरिडा येथील Accuweather या स्थानिक हवामान संस्थेने, आज सामन्यादरम्यान पाऊस आणि वादळी वाऱ्यांची शक्यता वर्तवली आहे. सामन्यादरम्यानचं वातावरणही ढगाळ असल्याची शक्यता आहे. त्यामुळे आजच्या सामन्यात पाऊस पडतो की नाही हे पाहणं महत्वाचं ठरणार आहे. दरम्यान निवड समितीने वेस्ट इंडिज दौऱ्यासाठी तरुण खेळाडूंना संधी दिली आहे.
