भारत विरुद्ध वेस्ट इंडिज यांच्यातील दुसऱ्या वन-डे सामन्यादरम्यान कर्णधार विराट कोहलीने विक्रम केला आहे. भारताकडून आंतरराष्ट्रीय ४०० सामने खेळणाऱ्या खेळाडूंच्या यादीत विराट कोहलीला स्थान मिळालं आहे. विराट कोहलीने आतापर्यंत ८४ कसोटी, २४० वन-डे* आणि ७५ टी-२० सामन्यांमध्ये भारतीय संघाचं प्रतिनिधीत्व केलं आहे. अशी कामगिरी करणारा विराट कोहली आठवा भारतीय खेळाडू ठरला आहे. भारताकडून सर्वाधिक आंतरराष्ट्रीय सामने खेळणारे खेळाडू - १) सचिन तेंडुलकर - (६६४ सामने) २) महेंद्रसिंह धोनी - (५३८ सामने) ३) राहुल द्रविड - (५०९ सामने) ४) मोहम्मद अझरुद्दीन - (४३३ सामने) ५) सौरव गांगुली - (४२४ सामने) ६) अनिल कुंबळे - (४०३ सामने) ७) युवराज सिंह - (४०२ सामने) ८) विराट कोहली - (४०० सामने)* दरम्यान दुसऱ्या वन-डे सामन्यात वेस्ट इंडिजचा कर्णधार कायरन पोलार्डने नाणेफेक जिंकत प्रथम गोलंदाजी करण्याचा निर्णय घेतला.