IND vs WI : विंडीजविरुद्धच्या तिसऱ्या एकदिवसीय सामन्यात कर्णधार विराट कोहलीने सलग तिसरे शतक झळकावण्याचा पराक्रम केला. त्याने या सामन्यात ११० चेंडूत आपले शतक पूर्ण केले आणि सलग तीन एकदिवसीय सामन्यात शतक ठोकणारा पहिला भारतीय फलंदाज ठरण्याचा विक्रम केला. कोहलीने पहिल्या सामन्यात १४० धावा केल्या होत्या. तर दुसऱ्या सामन्यात तो १५७ धावा काढून नाबाद होता. असा विक्रम करणारा तो जगातील दहावा खेळाडू ठरला आहे. यात सलग ४ शतकांसह श्रीलंकेचा माजी कर्णधार कुमार संगकारा पहिल्या क्रमांकावर आहे.
