29 May 2020

News Flash

टी-२० क्रिकेटमध्ये ‘मालिकावीर’ विराट कोहलीचा षटकार

टी-२० मालिकेत भारताची २-१ ने बाजी

कर्णधार विराट कोहली, रोहित शर्मा आणि लोकेश राहुल यांनी केलेल्या फटकेबाजीच्या जोरावर भारताने अखेरच्या टी-२० सामन्यात २४० धावांपर्यंत मजल मारली. यानंतर भारतीय गोलंदाजांनी केलेल्या भेदक माऱ्यामुळे टीम इंडियाने ६७ धावांनी सामना जिंकत मालिकेत २-१ ने बाजी मारली. ३ सामन्यांच्या मालिकेत आश्वासक कामगिरी केलेल्या कर्णधार विराट कोहलीला मालिकावीर पुरस्काराने गौरवण्यात आलं.

यासोबतच विराट कोहलीने आंतरराष्ट्रीय टी-२० क्रिकेटमध्ये मालिकावीर या नात्याने अनोखा षटकार मारला आहे. मालिकावीराचा किताब जिंकण्याची विराटची ही सहावी वेळ ठरली आहे. या यादीत एकही खेळाडू सध्या विराटच्या जवळपास नाहीये.

दरम्यान, खडतर आव्हानाचा पाठलाग करताना विंडीजच्या संघाची सुरुवातही खराब झाली होती. अवघ्या १७ धावांत विंडीजचे ३ फलंदाज माघारी परतले. यानंतर शिमरॉन हेटमायर आणि कायरन पोलार्ड यांनी फटकेबाजी करत झुंज देण्याचा प्रयत्न केला. हे फलंदाज विंडीजचा डाव सावरणार असं वाटत असतानाच, कुलदीप यादवने हेटमायरचा अडसर दूर केला. मात्र यानंतरही कायरन पोलार्डने आपली फटकेबाजी सुरुच ठेवली. भारतीय गोलंदाजांवर हल्ला चढवत पोलार्डने उत्तुंग षटकार ठोकले. मात्र ६८ धावांवर पोलार्ड माघारी परतल्यानंतर विंडीजच्या फलंदाजांनी हार मानली. यानंतरची भारतीय गोलंदाजांनी आपली उरली-सुरली जबाबदारी पूर्ण करत भारताच्या विजयावर शिक्कामोर्तब केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 12, 2019 9:57 am

Web Title: ind vs wi virat kohli leads elite list in t20i cricket bags mos award psd 91
Next Stories
1 IND vs WI : विराट-रोहितमधली बहुचर्चित शर्यत अखेरीस बरोबरीत
2 पाकिस्तान-श्रीलंका कसोटी मालिका : पहिल्या दिवसावर पाकिस्तानचे वर्चस्व!
3 चॅम्पियन्स लीग फुटबॉल : लिव्हरपूल, चेल्सी उपउपांत्यपूर्व फेरीत
Just Now!
X