News Flash

भारत ‘अ’ संघाचा मालिकेवर कब्जा

गुजरातच्या प्रियांकने ९ चौकार आणि ४ षटकारांसह १०९ धावा करून सामना अनिर्णित अवस्थेकडे झुकवला

| September 21, 2019 02:14 am

प्रतिनिधिक छायाचित्र

म्हैसूर : भारत ‘अ’ संघाचा प्रतिभावान फलंदाज प्रियांक पांचाळने दक्षिण आफ्रिका ‘अ’ संघाविरुद्धच्या चारदिवसीय कसोटी सामन्याच्या दुसऱ्या डावात झुंजार शतक झळकावले. परंतु दिवसाचा खेळ संपल्यावर पंचांनी हा सामना अनिर्णित जाहीर केल्यामुळे भारताने या मालिकेत १-० असे यश संपादन केले.

गुरुवारच्या बिनबाद १४ धावांवरून पुढे खेळताना भारताने सावध खेळ केला. पहिल्या डावात भारताला फक्त १७ धावांची आघाडी घेण्यात यश आल्यावर दुसऱ्या डावात भारताचे सलामीवीर प्रियांक आणि अभिमन्यू ईश्वरन यांनी ९४ धावांची सलामी दिली. अभिमन्यू (३७) बाद झाल्यावर गेल्या डावातील अर्धशतकवीर २० वर्षीय शुभमन गिलसुद्धा शून्यावरच माघारी परतला.

गुजरातच्या प्रियांकने ९ चौकार आणि ४ षटकारांसह १०९ धावा करून सामना अनिर्णित अवस्थेकडे झुकवला. त्याने करुण नायरसह तिसऱ्या गडय़ासाठी ८२ धावांची भागीदारी रचली. प्रियांक बाद झाल्यावर करुण (नाबाद ५१) आणि वृद्धिमान साहा (नाबाद १) यांनी उर्वरित षटके खेळून काढली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 21, 2019 2:14 am

Web Title: india a drew the second unofficial test with south africa a zws 70
Next Stories
1 २०२१ मधील अपंग क्रिकेटपटूंच्या विश्वचषकाचे यजमानपद भारताला
2 बेल्जियम दौऱ्यासाठी भारतीय हॉकी संघाची घोषणा
3 World Wrestling Championship : बजरंग पुनियाला कांस्यपदक
Just Now!
X