6 ते 16 जून दरम्यान ओडीशातील भुवनेश्वर येथे रंगणाऱ्या FIH Hockey Series Finals स्पर्धेसाठी भारतीय संघासमोर तुलनेने सोपं आव्हान असणार आहे. आंतरराष्ट्रीय हॉकी संघटनेने या स्पर्धेची गटवारी जाहीर केली आहे. 2020 रोजी टोकियोत होणाऱ्या ऑलिम्पिकसाठी ही स्पर्धा महत्वाची मानली जात आहे. या स्पर्धेतील सर्वोत्तम दोन संघांना ऑलिम्पिक पात्रता फेरीत प्रवेश मिळणार आहे. ऑक्टोबर-नोव्हेंबर दरम्यान ऑलिम्पिक पात्रता फेरी खेळवली जाणार आहे. आशियाई खेळांचं विजेतेपद पटकावणारं जपान आणि यजमान भारत या दोन देशांचा अपवाद वगळता कोणत्याही संघाकडून भारताला कडवं आव्हान मिळणार नाहीये. या स्पर्धेत भारताला मेक्सिको, पोलंड, रशिया, दक्षिण आफ्रिका, अमेरिका आणि उझबेगिस्तानचा सामना करायचा आहे.
