14 August 2020

News Flash

माकरान चषक बॉक्सिंग स्पर्धा : भारताला एक सुवर्ण, पाच रौप्य पदके

मनीषला डॅनियल शाह बक्ष याच्याकडून तर सतीशला मोहम्मद मिलासकडून हार पत्करावी लागली.

| March 1, 2019 02:04 am

प्रतिनिधिक छायाचित्र

नवी दिल्ली : इराण येथे झालेल्या माकरान चषक बॉक्सिंग स्पर्धेत राष्ट्रीय विजेत्या दीपक सिंगने (४९ किलो) सुवर्णपदक पटकावण्याची किमया साधली. या स्पर्धेत भारताने एक सुवर्ण तसेच पाच रौप्यपदकांची कमाई केली.

दीपकने अंतिम फेरीत जाफर नासेरी याचे आव्हान संपुष्टात आणले. दीपक वगळता भारताच्या अन्य पाच बॉक्सर्सनी अंतिम फेरीत निराशा केली. पी. ललित प्रसाद (५२ किलो), राष्ट्रकुल स्पर्धेतील रौप्यपदक विजेता मनीष कौशिक (६० किलो), दुर्योधन सिंग (६९ किलो), संजीत (९१ किलो) आणि राष्ट्रकुल स्पर्धेतील रौप्यपदक विजेता सतीश कुमार (९१ किलोवरील) यांना सर्वोत्तम कामगिरी करण्यात अपयश आल्याने रौप्यपदकावरच समाधान मानावे लागले.

मनीषला डॅनियल शाह बक्ष याच्याकडून तर सतीशला मोहम्मद मिलासकडून हार पत्करावी लागली. संजीतला एल्डिन घोस्सून याने पराभूत केले. प्रसादला ओमिद साफा अहमदीचा तर दुर्योधनला सज्जद झादेह केझिम याचा अडसर दूर करता आला नाही. तत्पूर्वी, रोहित टोकास (६४ किलो) आणि मनजीत सिंग पांघल (७५ किलो) यांनी या स्पर्धेत कांस्यपदक प्राप्त केले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 1, 2019 2:04 am

Web Title: india one gold and five silver medals in makaran boxing cup
Next Stories
1 बुद्धिबळपटू सम्मेद शेटेला ‘आंतरराष्ट्रीय मास्टर नॉर्म’
2 राज्यस्तरीय बॉक्सिंग स्पर्धेवर पुण्याचे वर्चस्व
3 बुद्धिबळातला ‘आनंद’ इफेक्ट
Just Now!
X