20 September 2020

News Flash

भारताविरुद्धच्या मालिकेनंतर कारकीर्दीचा विचार करणार -मलिंगा

श्रीलंकेला या सामन्यात १६८ धावांनी पराभव स्वीकारावा लागला.

| September 2, 2017 03:04 am

भारताविरुद्धच्या एकदिवसीय क्रिकेट मालिकेनंतर यापुढे खेळायचे की नाही, हा विचार मी करणार आहे, असे स्पष्ट मत श्रीलंकेचा वेगवान गोलंदाज लसिथ मलिंगाने व्यक्त केले आहे.

चौथ्या एकदिवसीय क्रिकेट सामन्यात मलिंगाने भारताचा कर्णधार विराट कोहलीला बाद करत तीनशे बळी पूर्ण केले. पण श्रीलंकेला या सामन्यात १६८ धावांनी पराभव स्वीकारावा लागला.

‘‘पायाला झालेल्या दुखापतीनंतर तब्बल १९ महिन्यांनी मी संघात पुनरागमन केले. झिम्बाब्वे आणि भारताविरुद्धच्या सामन्यांमध्ये माझ्याकडून अपेक्षित कामगिरी झालेली आहे. आता यापुढे शरीर किती साथ देईल आणि किती वर्षे खेळायचे, याचा निर्णय मी भारताविरुद्धच्या मालिकेनंतर घेणार आहे,’’ असे मलिंगाने सांगितले.

तो पुढे म्हणाला की, ‘‘माझ्याकडे किती अनुभव आहे, ही गोष्ट महत्त्वाची नाही. जर मी संघाला सामना जिंकवून देऊ शकत नसेल आणि संघाला अपेक्षित असलेली कामगिरी माझ्याकडून होत नसेल तर यापुढे क्रिकेट खेळण्यात काहीच हशील नाही.’’

चौथ्या सामन्यातील भारताच्या फलंदाजीबद्दल मलिंगा म्हणाला की, ‘‘ विराट आणि रोहित यांनी दमदार फलंदाजी केली. त्यांच्यापुढे सातत्याने भेदक मारा करणे आम्हाला जमले नाही.’’

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 2, 2017 3:04 am

Web Title: india srilanka series lasith malinga
Next Stories
1 फुटबॉलच्या पंढरीतील विश्वचषकाचा प्रो कबड्डीला ‘खो’
2 Pro Kabaddi Season 5 – पाटणाची हाराकिरी बंगालच्या पथ्यावर, घरच्या मैदानावर पहिला विजय
3 अंबाती रायडूकडून वृद्धास मारहाण, व्हिडिओ व्हायरल
Just Now!
X