ओव्हलच्या मैदानात सुरु असलेल्या अखेरच्या कसोटीत भारतावर पुन्हा एकदा पराभवाचे काळे ढग जमायला लागले आहेत. इंग्लंडने दिलेल्या आव्हानाचा पाठलाग करताना दुसऱ्या डावात भारताचे ३ गडी माघारी परतले आहेत. मात्र आपल्या कारकिर्दीचा अखेरचा कसोटी सामना खेळणाऱ्या अॅलिस्टर कूकने शतकी खेळी करुन अनेक विक्रमांची नोंद केली.

या बातमीसह सर्व प्रीमियम कंटेंट वाचण्यासाठी साइन-इन करा

अवश्य वाचा – Ind vs Eng : भारत आणि कूकचे शतक… जाणून घ्या काय आहे योगायोग

१ – कसोटी क्रिकेटमध्ये सर्वाधिक धावा करणाऱ्या डावखुऱ्या फलंदाजांच्या यादीत अॅलिस्टर कूक पहिल्या स्थानावर पोहचला आहे. कूकने श्रीलंकेच्या कुमार संगकाराला मागे टाकलं आहे.

  • अॅलिस्टर कूक – १२ हजार ४७२ धावा
    कुमार संगकारा – १२ हजार ४०० धावा
    ब्रायन लारा – ११ हजार ९५३
    शिवनारायण चंद्रपॉल – ११ हजार ८६७ धावा

३ – आपली अखेरची कसोटी खेळत असताना तिसऱ्या विकेटसाठी सर्वाधिक धावांची भागीदारी करणाऱ्यांच्या यादीत कूक-रुट जोडी तिसऱ्या स्थानावर.

अवश्य वाचा – Ind vs Eng : सचिन, पॉन्टींगला जमलं नाही, ते कूकने करून दाखवलं…

३ – मालिकेत सर्वाधिक धावा करुनही पराभव स्विकारावा लागणाऱ्या फलंदाजांच्या यादीत विराट कोहली अनुक्रमे पहिल्या व तिसऱ्या स्थानावर. २०१४-१५ साली ऑस्ट्रेलिया दौऱ्यात कोहलीने ६९२ धावा केल्या होत्या, तर यंदाच्या इंग्लंड दौऱ्यात विराटने ५९३ धावा केल्या आहेत.

  • विराट कोहली – (२०१४-१५) ऑस्ट्रेलिया दौरा – ६९२ धावा
    मोहिंदर अमरनाथ – (१९८२-८३) विंडीज दौरा – ५९८ धावा
    विराट कोहली – (२०१८) इंग्लंड दौरा – ५९३ धावा
    मोहींदर अमरनाथ – (१९८२-८३) पाकिस्तान दौरा – ५८४ धावा
    गुंडप्पा विश्वनाथ – (१९७४-७५) विंडीज दौरा – ५६८ धावा

४ – कसोटी क्रिकेटमध्ये सर्वाधिक शतकी भागीदाऱ्या करणाऱ्या फलंदाजांच्या यादीत अॅलिस्टर कूक चौथ्या स्थानावर.

५ – पदार्पणाच्या आणि अखेरच्या कसोटीत शतक झळकावणारा अॅलिस्टर कूक पाचवा फलंदाज ठरला आहे.

२ – ८ व्या क्रमांकावर फलंदाजीसाठी येऊन सॅम कुरनने या मालिकेत २७२ धावा केल्या आहेत. कुरनने केलेली ही कामगिरी दुसऱ्या स्थानावर राहिली आहे. २०१० साली न्यूझीलंडने केलेल्या भारत दौऱ्यात हरभजन सिंहने आठव्या क्रमांकावर येत ३१५ धावा पटकावल्या होत्या.

१३ – अॅलिस्टर कूकच्या निवृत्तीनंतर कसोटी क्रिकेटमध्ये १० हजार धावांचा टप्पा पार करणारे सर्व १३ फलंदाज निवृत्त झाले आहेत. या यादीमध्ये आता हाशिम आमला ९०२२ धावांसह १४ व्या स्थानावर आहे.

१३ – दुसऱ्या डावात सर्वाधिक शतकं झळकावण्याचा विक्रम करत अॅलिस्टर कूक निवृत्त. या यादीमध्ये इतर फलंदाज पुढीलप्रमाणे

  • अॅलिस्टर कूक – १३
    कुमार संगकारा – १२
    मॅथ्यू हेडन, जॅक कॅलिज, सचिन तेंडुलकर – १०
    हाशिम आमला, अॅलन बॉर्डर – ९

१४ – एका कसोटी मालिकेत सर्वाधिक झेल घेणाऱ्या भारतीय खेळाडूंच्या यादीत लोकेश राहुलने राहुल द्रविडला मागे टाकलं आहे.

३८२ – कारकिर्दीची पहिल्या आणि अखेरच्या कसोटीतील धावांची गोळाबेरीज करुन सर्वाधिक धावा करणाऱ्यांच्या यादीत अॅलिस्टर कूक ३८२ धावांसह चौथ्या स्थानावर.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: India tour of england 2018 alastair cook breaks several records in final innings
First published on: 11-09-2018 at 09:54 IST